சென்னை: தமிழ்நாட்டில் இந்தாண்டும் டெங்கு பாதிப்புகள் கட்டுக்குள் இருந்தாலும், செப்படம்பர் 10ஆம் தேதி வரையில் 253 பேர் டெங்கு பாதிப்பிற்காக மருத்துவமனைகளில் சிகிச்சை பெற்று வருகின்றனர் எனவும், 3 பேர் இறந்துள்ளதாகவும் மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் தெரிவித்தார்.
பின்னர் செய்தியாளர்களிடம் கூறும்போது, ‘கடந்த 69 ஆண்டுகளாக இந்தியாவின் 2ஆவது பழமையான புற்றுநோய் மருத்துவமனை என்னும் சிறப்போடு புற்றுநோய்க்கு, அடையாறு புற்றுநோய் மருத்துவமனை சிகிச்சை அளித்து வருகிறது. குறிப்பாக ஒரு ஆண்டிற்கு 1,60,000 பேர் இந்த மருத்துவமனையில் புற்றுநோய்களுக்கு தொடர் சிகிச்சைகளை பெற்று வருகின்றனர்.
-
சைதாப்பேட்டை சட்டமன்ற உறுப்பினர் மேம்பாட்டு நிதியின் கீழ் அடையார் புற்றுநோய் மருத்துவமனைக்கு ரூபாய் 1.50 கோடி மதிப்பில் பார்வையாளர்கள் தங்குமிடம் கட்டடம் கட்டுவதற்கான இடம் தேர்வு மற்றும் ஆய்வு மேற்கொள்ளப்பட்டது. #Masubramanian #TNHealthminister #Saidapetconstituency #Inspection… pic.twitter.com/JWh0wG3jBt
— Subramanian.Ma (@Subramanian_ma) September 11, 2023 " class="align-text-top noRightClick twitterSection" data="
">சைதாப்பேட்டை சட்டமன்ற உறுப்பினர் மேம்பாட்டு நிதியின் கீழ் அடையார் புற்றுநோய் மருத்துவமனைக்கு ரூபாய் 1.50 கோடி மதிப்பில் பார்வையாளர்கள் தங்குமிடம் கட்டடம் கட்டுவதற்கான இடம் தேர்வு மற்றும் ஆய்வு மேற்கொள்ளப்பட்டது. #Masubramanian #TNHealthminister #Saidapetconstituency #Inspection… pic.twitter.com/JWh0wG3jBt
— Subramanian.Ma (@Subramanian_ma) September 11, 2023சைதாப்பேட்டை சட்டமன்ற உறுப்பினர் மேம்பாட்டு நிதியின் கீழ் அடையார் புற்றுநோய் மருத்துவமனைக்கு ரூபாய் 1.50 கோடி மதிப்பில் பார்வையாளர்கள் தங்குமிடம் கட்டடம் கட்டுவதற்கான இடம் தேர்வு மற்றும் ஆய்வு மேற்கொள்ளப்பட்டது. #Masubramanian #TNHealthminister #Saidapetconstituency #Inspection… pic.twitter.com/JWh0wG3jBt
— Subramanian.Ma (@Subramanian_ma) September 11, 2023
ஒவ்வொரு ஆண்டும் 16,000 புதிய புற்றுநோயாளிகள் இந்த மருத்துவமனைக்கு சிகிச்சைக்காக வருகின்றனர். இவர்கள் அனைவரும் தங்குவதற்கான நடவடிக்கைகளை நிர்வாகம் செய்திருந்தாலும், கூடுதலான வசதிகள் ஏற்படுத்தும் வகையில், 2023-24 ஆம் ஆண்டு சைதாப்பேட்டை சட்டமன்ற உறுப்பினர் தொகுதி மேம்பாட்டு நிதியின் கீழ் நோயாளிகள் மற்றும் பார்வையாளர்கள் தங்க வைப்பதற்கும், ரூ.1.5 கோடி செலவில், புதிய தங்குமிடம் அமைப்பதற்கு முடிவெடுக்கப்பட்டுள்ளது. அது தற்போது ஆய்வு செய்யப்பட்டது.
மிக விரைவில் திட்ட மதிப்பீடுகள் தயாரிக்கப்பட்டு, கழிப்பிட மற்றும் குளியலறை ஆகிய வசதிகளுடன் தங்குமிட கட்டிடம் கட்டப்படவுள்ளது. இந்த மருத்துவமனையின் நடமாடும் வாகனத்தின் மூலமும் புற்றுநோய் பரிசோதனைகள் மேற்கொள்ளப்பட்டு வருகிறது.
மதுரவாயல் பகுதியில், பெருநகர சென்னை மாநகராட்சிக்குட்பட்ட 144 வது வட்டத்தை சேர்ந்த, 4 வயது சிறுவன் ரக்சன் டெங்கு பாதிப்பால் நேற்று மரணமடைந்துள்ளான். கடந்த 2ஆம் தேதி டெங்கு பாதிப்பு ஏற்பட்டு தனியார் மருத்துவமனையில் அனுமதிக்கப்பட்டுள்ளார். அங்கு அவருக்கு காய்ச்சல் பாதிப்பு குறையாத காரணத்தால், எழும்பூர் அரசு மருத்துவமனையில் அனுமதிக்கப்பட்டுள்ளார். எனினும் சிகிச்சை பலனளிக்காமல் செப்டம்பர் 9ஆம் தேதியன்று இரவு 8.45 மணியளவில் இந்த குழந்தை மரணடைந்துள்ளது என்பது வருத்தத்திற்குரியது.
டெங்கு பாதிப்பு என்பது உலகம் முழுவதிலுமே மழைக்காலங்களிலும், தமிழ்நாட்டில் ஒவ்வொரு வடகிழக்கு பருவ மழையின் போதும் தொடங்குகின்ற ஒன்றாக உள்ளது. கடந்த 3 ஆண்டுகளாக டெங்கு பாதிப்புகளை கட்டுக்குள் கொண்டுவர பல்வேறு நடவடிக்கைகள் எடுக்கப்பட்டு வருகிறது.
இந்த ஆண்டும் டெங்கு பாதிப்புகள் கட்டுக்குள் இருந்தாலும், நேற்று வரை 253 பேர் டெங்கு பாதிப்பிற்காக மருத்துவமனைகளில் சிகிச்சை பெற்று வருகின்றனர். உள்ளாட்சி அமைப்புகளையும் மிகத் தீவிரமாக ஈடுபடுத்தப்பட்டு, கொசு ஒழிப்பு பணிகளை தீவிரமாக மேற்கொண்டு டெங்கு பாதிப்பினால் ஏற்படும் இறப்பு விகிதத்தை குறைத்து வருகின்றனர்.
வரும் 16ஆம் தேதி அன்று ஓமந்தூரார் அரசு மருத்துவக் கல்லூரியில், தமிழ்நாடு முழுவதிலுமிருந்து மருத்துவக் கல்லூரி முதல்வர்கள், இணை இயக்குநர் நலப் பணிகள், துணை இயக்குநர் சுகாதாரப் பணிகள் என்று ஒட்டுமொத்த அலுவலர்களுடன் ஆலோசனைக் கூட்டம் நடத்தப்படவுள்ளது.
தமிழ்நாட்டில் கடந்த ஜூன் மாதத்தில் கர்ப்பிணித் தாய்மார்களுக்கு வழங்கப்படும் ஊட்டச்சத்துப் பெட்டகம் ஒப்பந்த பணி ஏதோ ஒரு நிறுவனத்திற்கு கொடுக்கப்பட்டதாகவும், அது பிளாக் லிஸ்ட் நிறுவனம் என்று சமூக வலைதளங்களில் அண்ணாமலை குறிப்பிட்டிருந்தார்.
இது போன்ற பிளாக் லிஸ்டில் வந்த நிறுவனங்கள் ஒப்பந்தம் மேற்கொள்ள முடியாது, டெண்டரிலும் கலந்து கொள்ள முடியாது. கடந்த அதிமுக ஆட்சி காலத்தில் இருந்தே இந்த நிறுவனம் தான் A1 நிறுவனமாக இந்த பணி செய்து வந்தது.
அப்போதெல்லாம் இது தொடர்பாக எந்த கேள்வியும் கேட்கவில்லை, தற்போது உள்ள அரசிடம் மட்டும் ஏன் அந்த நிறுவனத்திற்கு ஒப்பந்தம் கொடுக்கப்படுகிறது என்று கேள்வி கேட்கின்றனர். ஆனால் அந்த நிறுவனம் பிளாக் லிஸ்ட்டில் வரவில்லை என்று 100 சதவீதம் உறுதியாக சொல்ல முடியும்.
அதுமட்டுமல்லாமல் ஆவினில் ஊட்டச்சத்து பவுடர் (Health Mix) வாங்கலாம் என்று கூறுகிறார். ஆனால் ஆவினில் ஊட்டச்சத்து பவுடர் (Health Mix) ) தயாரிப்பதில்லை, இப்படி தயார் செய்யாத பொருளை எப்படி வாங்குவது, ஆவினில் தான் தற்போது நெய் போன்ற பொருட்கள் வாங்கப்படுகிறது என்பதை அண்ணாமலைக்கு தெரிவித்துக்கொள்கிறேன்.
முத்துலட்சுமி ரெட்டி மகப்பேறு நிதியுதவி திட்டம் என்பது முன்னாள் முதலமைச்சர் கருணாநிதியால் கொண்டுவரப்பட்ட திட்டம். 6000 ரூபாயில் தொடங்கப்பட்ட இந்த திட்டத்தில் தற்போது 15,000 ரூபாய் வரை தரப்படுகிறது. இதில் மத்திய அரசு ரூ.3000 தருகிறது.
மத்திய அரசு தான் இந்த பயனாளிகள் விவரங்களையும் வெளியிடும். பட்டியல் வெளியிடப்பட்டால் தான் தொடர்ச்சியாக இந்த உதவித் தொகை தரப்படும். அந்த பட்டியல் வெளியிடுவதில் உள்ள குறைகளைத் தொடர்ந்து தமிழ்நாடு அரசு மத்திய அரசிடம் வலியுறுத்தி வருகிறது.
மத்திய அரசு வலைதளத்தில் உள்ள குறைபாடுகளை சரிசெய்து பயனாளிகளின் பட்டியல் வெளியிட்டால் உடனடியாக அனைவருக்கும் உதவித் தொகை வழங்குவதற்கு ஏதுவாக இருக்கும் என தெரிவித்தார்.
இதையும் படிங்க: OPS: "டெங்கு காய்ச்சல் பரவலை உடனே தடுங்க" - தமிழக அரசுக்கு ஓபிஎஸ் வலியுறுத்தல்
