நடிகர் சூர்யா, மோகன்லால், ஆர்யா உள்ளிட்டோர் நடிப்பில் கே.வி. ஆனந்த் இயக்கியிருக்கும் படம் ’காப்பான்’. இப்படம் விரைவில் வெளியாகவிருக்கும் நிலையில், சென்னை குரோம்பேட்டையைச் சேர்ந்த ஜான் சார்லஸ் என்பவர் காப்பான் கதை தன்னுடையது எனக்கூறி அதனை வெளியிட தடை விதிக்குமாறு சென்னை உயர் நீதிமன்றத்தில் மனுத்தாக்கல் செய்தார்.
இன்று விசரணைக்கு வந்த இவ்வழக்கை நீதிபதி சதீஷ்குமார் விசாரித்தார். இதில் கே.வி.ஆனந்த் சார்பு மனுவில், எதிர் மனுதாரரை தான் எந்த காலத்திலும் சந்தித்தது இல்லை. நான் அடையாளம் தெரியாதவர்களிடம் கதை கேட்பதில்லை. மேலும் சரவெடி படத்தின் கதை வேறு தன்னுடைய கதை வேறு, இதற்கும் என் கதைக்கும் எந்த தொடர்பும் இல்லை என்றும் தெரிவிக்கப்பட்டது..
இதனை விசாரித்த நீதிபதி வழக்கு விசாரணைக்கு உகந்தது அல்ல எனக்கூறி வழக்கை தள்ளுபடி செய்தார்.
