க. அன்பழகனுக்கு ஜி.கே.வாசன், ஜவாஹிருல்லா அஞ்சலி

சென்னை: மறைந்த பேராசிரியர் க. அன்பழகன் உடலுக்கு தமிழ் மாநில காங்கிரஸ் தலைவர் ஜி.கே. வாசன், மனித நேய மக்கள் கட்சித் தலைவர் ஜவாஹிருல்லா ஆகியோர் நேரில் சென்று அஞ்சலி செலுத்தினர்.

ஜவாஹிருல்லா அஞ்சலி

மனித நேய மக்கள் கட்சித் தலைவர் ஜவாஹிருல்லா மறைந்த திமுக பொதுச்செயலாளர் அன்பழகனுக்கு அஞ்சலி செலுத்தினார். பின்னர் செய்தியாளர்களிடம் பேசிய அவர், ”திராவிட இயக்கத்தின் தூணாக விளங்கியவர் பேராசிரியர் அன்பழகன். திமுக பல்வேறு சோதனைகளைச் சந்தித்தபோதெல்லாம் கருணாநிதிக்கு உறுதுணையாக இருந்தவர்.

அவரை இழந்துவாடும் அவரின் குடும்பத்திற்கும், திமுக தலைவர் முதல் அக்கட்சியின் கடைக்கோடி தொண்டர் வரை உள்ள அனைத்து திமுக உறவுகளுக்கும் என் நெஞ்சார்ந்த இரங்கலைத் தெரிவித்துக்கொள்கிறேன்" என்றார்.