ஜூலை 24ஆம் தேதி ஜாக்டோ - ஜியோவின் மாநில ஒருங்கிணைப்பாளர்கள் கூட்டம் காணொலி காட்சி வாயிலாக நடைபெற்றது. அந்தக் கூட்டத்தில், தமிழ்நாட்டில் உள்ள அனைத்து மாவட்டங்களிலும் மாவட்ட ஒருங்கிணைப்பாளர்கள், அந்தந்த மாவட்ட ஆட்சியர் மற்றும் மாவட்ட முதன்மைக் கல்வி அலுவலர்களை நேரில் சந்தித்து கோரிக்கைகள் அடங்கிய மனுவை அளிப்பது என தீர்மானிக்கப்பட்டது.
அதன் அடிப்படையில், சென்னை தலைமைச் செயலகத்தில் ஜாக்டோ - ஜியோ மாநில ஒருங்கிணைப்பாளர்கள் அன்பரசு, இரா.தாஸ், கு.வெங்கடேசன், மாயவன், தியாகராஜன் ஆகியோர் 2019ஆம் ஆண்டு ஜனவரியில் நடைபெற்ற போராட்டம் காரணமாக 5,068 ஆசிரியர்கள், அரசு ஊழியர்களின் மீது வழக்குப்பதிவு செய்யப்பட்டு, ஒழுங்கு நடவடிக்கை எடுக்கப்பட்டுள்ளது.
இதனை ரத்து செய்ய வேண்டும் என்று முதலமைச்சர், துணை முதலமைச்சர், பள்ளி கல்வித்துறை அமைச்சர், வருவாய்த்துறை, மீன் வளத்துறை, மற்றும் உயர் கல்வி அமைச்சர்களின் நேர்முக உதவியாளர்கள், தலைமைச் செயலர், பணியாளர் நலத்துறை செயலர் உள்ளிட்டவர்களிடம் மனு அளித்தனர். மேலும், தங்களின் கோரிக்கையை விரைவாக நிறைவேற்ற வேண்டும் என அப்போது அவர்கள் கேட்டுக்கொண்டனர்.
இதையும் படிங்க:அரசு பள்ளியில் மகனை சேர்த்த 'அடடே' அரசு ஆசிரியர்!
