இது குறித்து மக்கள் நல்வாழ்வுத் துறை அறிக்கை ஒன்றை வெளியிட்டுள்ளது. அதில், “தமிழ்நாட்டில் 34 அரசு பரிசோதனை மையங்கள், 11 தனியார் பரிசோதனை மையங்களில் இன்று வரை ஒரு லட்சத்து 19 ஆயிரத்து 748 பேருக்கு சளி பரிசோதனை செய்யப்பட்டுள்ளது. அவர்களில் 2,323 பேருக்கு கரோனா வைரஸ் தொற்று இருப்பது கண்டறியப்பட்டுள்ளது. மேலும், ஒரு லட்சத்து 15 ஆயிரத்து 761 நபர்களுக்கு நோய்த் தொற்று இல்லை என்பது உறுதிப்படுத்தப்பட்டுள்ளது.
அதுமட்டுமின்றி 1,664 நபர்களின் சளி மாதிரிகள் ஆய்வகங்களில் பரிசோதனை செய்யப்பட்டுவருகின்றன. 9 ஆயிரத்து 30 பேருக்கு இரண்டு முறை பரிசோதனை செய்யப்பட்டுள்ளன. கரோனா தொற்றால் பாதிக்கப்பட்டு சிகிச்சை அளிக்கப்பட்ட 1,258 பேர் பூரண குணமடைந்து வீட்டிற்கு அனுப்பி வைக்கப்பட்டுள்ளனர். இதில் 1,035 நபர்களுக்கு மருத்துவமனைகளில் தீவிர சிகிச்சை அளிக்கப்பட்டு வருகிறது. வீட்டுக்காவலில் 31,375 நபர்களும், தனிமைப்படுத்தும் மையத்தில் 40 நபர்களும் உள்ளனர்.
கரோனா தொற்று பரிசோதனை செய்யப்பட்டவர்களில் இன்று 161 பேருக்கு உறுதி செய்யப்பட்டுள்ளது. பூரண குணமடைந்த 48 பேர் இன்று வீட்டிற்கு அனுப்பி வைக்கப்பட்டுள்ளனர். மேலும் நோய் தொற்று இருக்குமோ என்ற சந்தேகத்தின் அடிப்படையில் 1,978 பேர் மருத்துவமனைகளில் தனிமைப்படுத்தப்பட்டு உள்ளனர். கரோனா பரிசோதனையில் வெளியிட்ட அறிவிப்பின்படி அரியலூர் மாவட்டத்தில் ஒருவரும், செங்கல்பட்டு மாவட்டத்தில் ஐந்து பேரும், சென்னை மாவட்டத்தில் 138 பேரும், கடலூர் மாவட்டத்தில் ஒருவரும், காஞ்சிபுரம் மாவட்டத்தில் மூன்று பேரும், மதுரை மாவட்டத்தில் ஐந்து பேரும், பெரம்பலூர் மாவட்டத்தில் இரண்டு பேரும், ராமநாதபுரம் மாவட்டத்தில் மூன்று பேரும், ராணிப்பேட்டை மாவட்டத்தில் ஒருவரும், சேலம் மாவட்டத்தில் ஒருவரும், திருவண்ணாமலை மாவட்டத்தில் ஒருவரும் என 161 பேர் பாதிக்கப்பட்டுள்ளனர்.
கரோனா பாதிப்பு விபரம் மாவட்ட வாரியாக...
- சென்னை : 906
- கோயம்புத்தூர் : 141
- திருப்பூர் : 112
- மதுரை : 84
- திண்டுக்கல் : 80
- செங்கல்பட்டு : 78
- ஈரோடு : 70
- திருநெல்வேலி : 63
- நாமக்கல் : 61
- தஞ்சாவூர் : 55
- திருவள்ளூர் : 54
- திருச்சிராப்பள்ளி : 51
- விழுப்புரம் : 50
- நாகப்பட்டினம் : 44
- தேனி : 43
- கரூர் : 42
- ராணிப்பேட்டை : 40
- தென்காசி : 38
- விருதுநகர் : 32
- சேலம் : 32
- திருவாரூர் : 29
- தூத்துக்குடி : 27
- கடலூர் : 27
- காஞ்சிபுரம் : 26
- வேலூர் : 22
- திருப்பத்தூர் : 18
- ராமநாதபுரம் : 18
- கன்னியாகுமரி : 16
- திருவண்ணாமலை : 16
- சிவகங்கை : 12
- நீலகிரி : 9
- கள்ளக்குறிச்சி : 9
- பெரம்பலூர் : 9
- அரியலூர் : 7
- புதுக்கோட்டை : 1
- தருமபுரி : ஒருவரும் பாதிக்கப்பட்டுள்ளனர்” எனத் தெரிவித்துள்ளது.
தற்பொழுது பரிசோதனைகள் அதிக அளவில் தொடங்கியுள்ளதால் மேலும் பாதிக்கப்பட்டோரின் எண்ணிக்கை கூடுவதற்கு வாய்ப்பு உள்ளதாக தெரிகிறது. அதேநேரத்தில் 12 வயதிற்குட்பட்ட குழந்தைகளுக்கான தொற்றும் அதிகரித்து வருவது கவலையை ஏற்படுத்தியுள்ளது. ஏற்கனவே சிவப்பு மண்டலமாக இருந்த சில மாவட்டங்கள் தற்போது ஆரஞ்சு மண்டலமாக மாறி உள்ளது. ஓரளவு நிம்மதி அளிப்பதாக இருந்தாலும் சென்னையில் நோய்த்தொற்று அதிகரித்து வருவது பெரும் கவலையை ஏற்படுத்தினாலும், மீதமுள்ளவர்கள் மீண்டு வர வேண்டும் என்ற நம்பிக்கை நாம் ஊட்டுவோம்.
இதையும் படிங்க...கோயம்பேடு சந்தையில் வேலை பார்த்தவருக்கு கரோனா!
