தங்கம் விலை உயர்வு -அதிர்ச்சியில் மக்கள்!

தங்கம் விலை இன்று வழக்கத்தை விட சற்று அதிகரித்துள்ளதால் மக்கள் அதிர்ச்சியடைந்துள்ளனர்.

தங்கம் விலை கடந்த சில தினங்களாக ஏற்ற இறக்கத்துடன் காணப்படுகிறது. அந்த வகையில் இன்று நான்காவது நாளாக தங்கம் விலை அதிகரித்துள்ளது.

சென்னையில் இன்று(பிப்.12) 22 கேரட் ஆபரணத் தங்கத்தின் விலை ஒரு கிராம் 4,653 ரூபாய்க்கு விற்பனை செய்யப்படுகிறது. நேற்று மாலை இதன் விலை 4,610 ரூபாயாக இருந்த நிலையில், இன்று கிராமுக்கு 43 ரூபாய் உயர்ந்துள்ளது.

நேற்று 36,880 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் அதாவது ஒரு சவரன் தங்கத்தின் விலை 344 ரூபாய் அதிகரித்து 37,224 ரூபாய்க்கு விற்பனையாகிறது.

கோயம்புத்தூர் மற்றும் திருச்சி உள்ளிட்ட மாவட்டங்களில் ஒரு கிராம் ஆபரணத் தங்கத்தின் விலை 4,653 ரூபாய்க்கு விற்பனை செய்யப்படுகிறது.