சென்னை: கடந்த சில தினங்களுக்கு முன்பாக சென்னை கடற்கரை ரயில் நிலையத்தில் இருந்து வேளச்சேரி நோக்கி செல்லும் பறக்கும் மின்சார ரயிலில் பலரும் பயணம் செய்து கொண்டிருந்தனர். அப்போது சென்னையைச் சேர்ந்த சிறுவர்கள் சிலர், ரயிலின் மேலே தலைகீழாக நின்றவாறு ஆபத்தான பயணத்தை மேற்கொண்டனர்.
சிறுவனின் வீடியோ சமூக வலைதளங்களில் வைரலாகத் தொடங்கியது. இந்நிலையில் இது தொடர்பாக ரயில்வே பாதுகாப்பு படை காவல்துறையினர் தீவிர விசாரணை மேற்கொண்டனர். அப்போது சென்னையைச் சேர்ந்த சிறுவன் ஒருவரை அடையாளம் கண்டு, பெற்றோரோடு வரவழைத்தனர்.
பின்னர் சிறுவனுக்கு அறிவுரை கூறி அனுப்பி வைத்தனர். இதனிடையே சிறுவன், ‘தான் செய்தது தவறு. இந்த ஒரு தடவை மன்னிச்சிக்கோங்க..’ என பேசியுள்ளார். இதுகுறித்த வீடியோ தற்போது சமூக வலைதளங்களில் வைரலாகி வருகிறது.
இதையும் படிங்க: LIVE VIRAL VIDEO: கண் முன்னே மரண பயத்தை அனுபவித்த திருடன்
