சென்னை: மும்பையிலிருந்து 67 பயணிகளுடன் இன்று (நவம்பர் 11) காலை 8 மணிக்கு சென்னைக்கு ஸ்பைஜெட் பயணிகள் விமானம் வந்தது. அந்த நேரத்தில் சென்னை விமானநிலையத்தில் பலத்த மழையும்,காற்றும் இருந்ததால்,அந்த விமானம் தரையிறங்க முடியாமல் வானில் வட்டமிட்டுக் கொண்டிருந்தது.
சிறிது நேரம் கழித்து விமானிக்கு ஹைதராபாத்தில் தரையில் இறங்கும் படி வான் போக்குவரத்து கட்டுபாட்டு அறையிலிருந்து தகவல் அனுப்பட்டது. அதையடுத்து அந்த விமானம் ஹைதராபாத்துக்கு திருப்பி அனுப்பட்டது.
அதே போல் இன்று (நவம்பர் 11) காலை 7 மணிக்கு டெல்லியிலிருந்து ஸ்பைஜெட் சிறப்பு விமானம் சென்னை வந்தது. அந்த விமானமும் சென்னையில் தரையிறங்க முடியாமல் இருந்ததை அடுத்து பெங்களூருக்கு திருப்பி அனுப்பப்பட்டது.சென்னையில் வானிலை சீரடைந்த பின் 2 விமானங்களும் சென்னைக்கு திரும்பி வரும் என்று விமானநிலைய அலுவலர்கள் தெரிவித்தனர்.
இதையும் படிங்க: ரேபிட் டெஸ்ட் எடுத்தால் மட்டுமே விமானத்தில் செல்ல அனுமதி?- பயணிகள் போராட்டம்
