சென்னை: காவிரி டெல்டா பகுதிகளில் ஹைட்ரோ கார்பன் திட்டங்களால் ஏற்பட்டுள்ள பாதிப்புகள் குறித்து பேராசிரியர் சுல்தான் இஸ்மாயில் தலைமையிலான உயர்மட்டக்குழு, ஒன்றிய தொழில்துறை செயலாளர் கிருஷ்ணனிடம் அறிக்கையை சமர்ப்பித்துள்ளது.
காவிரி டெல்டாவில் செயல்படும் ஹைட்ரோகார்பன் திட்டங்களால் சுற்றுச்சூழல் பாதிப்புகள் ஏற்பட்டுள்ளதா என்பது குறித்து ஆய்வு செய்ய கடந்தாண்டு ஆகஸ்ட் மாதம் பேராசிரியர் சுல்தான் இஸ்மாயில் தலைமையில் ஏழு பேர் கொண்ட குழு அமைக்கப்பட்டது.
காவிரி டெல்டா மாவட்டங்களில், பல்வேறு கட்டங்களாக நான்கு மாதங்கள் நேரடி கள ஆய்வு மேற்கொண்ட பின், இந்த குழுவினர் சுமார் 106 பக்கங்கள் கொண்ட தனது முழுமையான அறிக்கையை ஒன்றிய தொழிற்துறை செயலாளர் கிருஷ்ணனிடம் சமர்ப்பித்துள்ளனர்.
அந்த அறிக்கையில், காவிரி டெல்டா பகுதிகளில் ஓஎன்ஜிசி நிறுவனம் கழிவுகளைக் கையாண்ட முறை உள்ளிட்ட தவறுகள் சுட்டிக்காட்டப்பட்டுள்ளன என பேராசிரியர் சுல்தாயின் இஸ்மாயில் கூறினார்.
மேலும், இந்த உயர்மட்ட குழு, கள ஆய்வின் போது எடுக்கப்பட்ட காணொலிகளை அரசிடம் சமர்ப்பிக்க மீண்டும் கூட்டம் நடைபெறும் என்றும் பின்னர் இந்த அறிக்கையை வைத்து அரசு முடிவு எடுக்கும் எனவும் அவர் தெரிவித்தார்.
இதையும் படிங்க: மாலை அணிவிக்க நெருங்கிய பாஜகவினர்: ராஜ்நாத்துக்கு அடுத்து நடந்தது என்ன தெரியுமா?
