தமிழகம், புதுவையில் வறண்ட வானிலை நிலவும்: வானிலை ஆய்வு மையம்

சென்னை: தமிழ்நாடு, புதுச்சேரியில் அடுத்த இரண்டு தினங்களுக்கு வறண்ட வானிலையே நிலவும் என சென்னை வானிலை ஆய்வு மையம் தெரிவித்துள்ளது.

இதுகுறித்து, சென்னை வானிலை ஆய்வு மையம் வெளியிட்டுள்ள அறிக்கையில்:

தமிழ்நாடு, புதுச்சேரியில் ஏப்ரல் 5 மற்றும் 6 ஆகிய 2 நாட்களுக்கு வறண்ட வானிலை நிலவும்.

வேலூர், திருவண்ணாமலை, கிருஷ்ணகிரி, தருமபுரி, சேலம், நாமக்கல், திருச்சி, கரூர், திண்டுக்கல், மதுரை ஆகிய மாவட்டங்களில் இயல்பை விட வெப்பநிலை 2 முதல் 3 டிகிரி செல்சியஸ் வரை அதிகமாகக் காணப்படும்.

சென்னையைப் பொருத்தவரை வானம் தெளிவாக இருக்கும். அதிகபட்ச வெப்பநிலை 36 டிகிரி செல்சியஸும், குறைந்தபட்ச வெப்பநிலை 27 டிகிரி செல்சியஸும் பதிவாகும்.

இவ்வாறு அதில் தெரிவிக்கப்பட்டுள்ளது.

சென்னை வானிலை ஆய்வு மையம் வெளியிட்ட வரைபடம்