'வாயால் வடை சுடும் மோடி' -உதயநிதி காட்டம்

சென்னை: மோடி ஆட்சி வாயால் வடை சுடும் ஆட்சியாக செயல்பட்டுக்கொண்டிருக்கிறது என்று திமுக இளைஞரணி மாநில செயலாளர் உதயநிதி ஸ்டாலின் காட்டமாக தெரிவித்துள்ளார்.

udhayanithi

Published : Aug 25, 2019, 6:18 PM IST

Updated : Aug 25, 2019, 7:10 PM IST

சென்னை கிண்டியில் உள்ள தனியார் விடுதியில் திமுக இளைஞரணி மாநில செயலாளர் உதயநிதி ஸ்டாலின் தலைமையில் திமுக இளைஞரணி மாநில மாவட்ட துணை அமைப்பாளர்களின் கூட்டம் நடைபெற்றது. இந்தக் கூட்டத்தில் 12 தீர்மானங்கள் நிறைவேற்றப்பட்டன.

காலை 10 மணிக்கு தொடங்கிய இந்தக் கூட்டம் பிற்பகல் 3.30வரை நடைபெற்றது. கூட்டம் நிறைவடைந்த பின்னர் செய்தியாளர்களிடம் பேசிய உதயநிதி ஸ்டாலின், ”திமுகவின் இளைஞர் அணி கூட்டத்தில் முதல் செயல் திட்டமாக செப்டம்பர் 14 முதல் நவம்பர் மாதம் 14 ஆம் தேதிக்குள் தொகுதிக்கு 10,000 இளைஞர்கள் வீதம் 3 லட்சம் இளைஞர்களை கட்சியில் சேர்க்க வேண்டுமென கூறியுள்ளேன்.

இளைஞரணியில் உறுப்பினர்களை அதிகப்படுத்த புதிதாக மொபைல் ஆப் ஒன்று தொடங்க இருக்கிறோம். முதல்முறையாக உறுப்பினர் அடையாள அட்டையில் புகைப்படம், செல்போன் எண், வாக்காளர் அடையாள அட்டை எண் போன்றவற்றை பதிவு செய்யப்படுகிறது.

நான் திமுக தலைவர் மு.க.ஸ்டாலின் மகன் என்பதால் என்னிடம் நிர்வாகிகள் நிறைய எதிர்பார்க்கிறார்கள். இதுபோன்று பல செயல் திட்டத்தை நிறைவேற்ற நானும் இணை மற்றும் துணை அமைப்பாளர்கள் உட்பட அனைவரும் இணைந்து பணிபுரிவோம். திமுக இளைஞரணி சார்பில் முதல் பணியாக தூர்வாரப்படாத ஏரிகளை தூர்வார திட்டமிட்டுள்ளோம். அதற்கான தேதி விரைவில் அறிவிக்கப்படும்” என்று தெரிவித்தார்.

இந்திய பொருளாதாரம் மந்த நிலையில் உள்ளது என நிர்மலா சீதாராமனின் கருத்து குறித்த கேள்விக்கு பதில் அளித்த உதயநிதி, மோடி ஆட்சி வாயால் வடை சுடும் ஆட்சிதான் என காட்டமாக கூறினார்.

Intro:மோடி ஆட்சி வாயால் வடை சுடும் ஆட்சி
உதயநிதி ஸ்டாலின் காட்டமான பதில்

Body:திமுக இளைஞரணி மாநில மாவட்ட துணை அமைப்பாளர்கள் அமைப்பாளர்களின் கூட்டம் சென்னை கிண்டி யில் உள்ள தனியார் ஹோட்டலில் இளைஞரணி மாநில செயலாளர் உதயநிதி ஸ்டாலின் தலைமையில் இன்று நடைபெற்றது.
இந்த கூட்டத்தில் 12 தீர்மானங்கள் நிறைவேற்றப்பட்டன. காலை 10 மணிக்கு துவங்கிய திமுக இளைஞரணி கூட்டம் 3 மணி 30 நிமிடம் வரை நடைபெற்றது.
இந்தக் கூட்டத்தில் திமுகவின் இளைஞர் அணியை வலுப்படுத்தி கட்சிக்கு மேலும் வலுச் இருப்பதற்கான நடவடிக்கைகளை மேற்கொள்வது குறித்து தீவிரமாக கருத்து கேட்கப்பட்டதாக தெரிகிறது.
கூட்டத்திற்கு பின்னர் செய்தியாளர்களிடம் பேசிய இளைஞரணி செயலாளர் உதயநிதி ஸ்டாலின், திமுக இளைஞரணி மாநில மாவட்ட அமைப்பாளர்கள் கூட்டத்தில் இரங்கல் தீர்மானம் உட்பட 12 தீர்மானங்கள் நிறைவேற்றப்பட்டன.
திமுகவின் இளைஞர் அணி கூட்டத்தில் முதல் செயல் திட்டமாக செப்டம்பர் 14 முதல் நவம்பர் மாதம் 14 ஆம் தேதிக்குள் தொகுதிக்கு 10000 இளைஞர்கள் வீதம் 3 லட்சம் இளைஞர்களை கட்சியில் சேர்க்க வேண்டுமென கூறியுள்ளேன். இளைஞர் அணி நிர்வாகிகளும் சேர்ப்பதாக தெரிவித்துள்ளனர்.

அதேபோல் இளைஞர் அணியின் தலைமையிலிருந்து பல்வேறு கருத்துக்களை நாங்கள் கூறியுள்ளோம். அவர்களும் உறுப்பினர்களை சேர்ப்பதில் உள்ள பல்வேறு தடைகள் குறித்தும் அதற்கான வழிகள் குறித்து ஆலோசித்தோம். இளைஞரணி உறுப்பினர்களை அதிகளவில் சேர்ப்பதற்காக புதிதாக மொபைல் ஆப் ஒன்று துவக்க உள்ளோம்.
இரண்டு மாதம் தமிழகம் முழுவதும் இளைஞர்களை சேர்ப்பதற்காக சுற்றுப்பயணம் செய்ய உள்ளோம். ஏற்கனவே ஆயிரம் விளக்கு தொகுதி புஷ்பா நகரில் விளம்பரமின்றி ஒரு இளைஞர் அணி சேர்ப்பு முகாம் நடத்தினோம். அதில் ஒரு மணி நேரத்திற்குள் 200 இளைஞர்கள் தங்களை இணைத்துக் கொண்டனர்.

ஏற்கனவே இளைஞர் அணியில் உறுப்பினர்களாக சேர்வதற்கு 18 முதல் 30 வயது வரை மாற்றி திமுகவின் ஒப்புதலுடன் 18 வயது முதல் 35 வரை இளைஞர் அணியின் உறுப்பினர் ஆகலாம் என திருத்தம் கொண்டு வந்துள்ளோம். முதல்முறையாக உறுப்பினர் அடையாள அட்டையில் புகைப்படம், செல்போன் எண், வாக்காளர் அடையாள அட்டை எண் போன்றவற்றை பெற்று பதிவு செய்து அளிக்க உள்ளோம்.

திமுக தலைவர் மு க ஸ்டாலின் மகன் என்பதால் என்னிடம் நிர்வாகிகள் நிறைய எதிர்பார்க்கிறார்கள். பல ஆண்டுகள் கழித்து இதுபோன்ற கூட்டம் நடத்தியது நிர்வாகிகளுக்கு மகிழ்ச்சி என தெரிவித்தனர். ஆனால் செயல் திட்டத்தை நிறைவேற்ற நானும் இணை மற்றும் துணை அமைப்பாளர்கள் உட்பட அனைவரும் இணைந்து பணி புரிவோம் என தெரிவித்தார்.

விக்கிரவாண்டி மற்றும் நாங்குநேரி தொகுதிக்கான இடைத் தேர்தல் அறிவித்த பின்னர் திமுக இளைஞரணி செயல்திட்டம் குறித்து தெரிவிப்போம்.

திமுக இளைஞரணி சார்பில் முதல் பணியாக தூர்வாரப்படாத ஏரிகளை தூர்வார திட்டமிட்டுள்ளோம். திருக்குவளையில் உள்ள ஏரியை தூர்வாரும் பணியை முதலில் துவக்க உள்ளோம். அதற்கான தேதி விரைவில் அறிவிப்போம் .இதற்கான பணியை ஒரு குழு ஏற்கனவே செய்து வருகிறது.

நாடு முழுவதும் பொருளாதார மந்த நிலை ஏற்பட்டு பல ஆயிரம் பேர் வேலை இழக்கும் அபாயம் ஏற்பட்டுள்ளது. மத்திய அமைச்சர் நிர்மலா சீதாராமன் பல்வேறு புதிய திட்டங்களை அறிவித்து உள்ளார் இதுகுறித்து உங்களின் கருத்து என்ன ?என கேட்டதற்கு, இந்த மோடி ஆட்சியை வாயால் வடை சுடும் ஆட்சிதான் என காட்டமாக தெரிவித்தார்.
திமுக காங்கிரஸ் கூட்டணியில் எந்தக் கட்சிகளும் பிரச்சினைகள் இல்லை கூட்டணி தொடர்ந்து கொண்டுதான் இருக்கிறது என தெரிவித்தார்.

Conclusion:

Last Updated : Aug 25, 2019, 7:10 PM IST

For All Latest Updates