விக்கிரவாண்டி தொகுதியில் அமைக்கப்பட்ட மாவட்ட குற்றவியல் நடுவர் நீதிமன்றத்திற்கு தமிழ்நாடு அரசையும், சட்டத்துறை அமைச்சர் சி.வி.சண்முகத்தையும் பாராட்டி தொகுதி முழுவதும் பேனர்கள் வைக்கபட்டுள்ளது. தேர்தல் விதிகள் அமலில் உள்ள நிலையில் தொகுதி முழுவதும் பேனர்கள் வைக்கபட்டிருப்பதாக அதிமுக மீது, திமுக மாநிலங்களவை உறுப்பினர் வில்சன், தலைமை செயலகத்தில் கூடுதல் தலைமை தேர்தல் அலுவலர் ராஜாராமனை நேரில் சந்தித்து புகார் அளித்தார்.
பின்னர் செய்தியாளர்களைச் சந்தித்த அவர், விக்கிரவாண்டி தொகுதிக்குட்பட்ட பகுதியில் மாவட்ட உரிமையியல் நீதிமன்றம் தொடங்கியது குறித்து வாக்காளர் மனங்களை பாதிக்கும் வகையில் அதிமுகவினர் பேனர் மற்றும் போஸ்டர்களை தொகுதி முழுவதும் வைத்துள்ளனர். இது தேர்தல் நடத்தை விதியை மீறும் வகையில் உள்ளது. இதுபோல் விதிமீறி செயல்பட்டவர்களின் மீது தகுந்த நடவடிக்கை எடுக்க வேண்டும் என கேட்டுக்கொண்டோம் என்றார்.
