'கரோனா தொற்றை கட்டுப்படுத்த ஊரடங்கை நீட்டிக்க வேண்டும்' - சுகாதாரத் துறை!

புதுச்சேரி: துணைநிலை ஆளுநர் தமிழிசை சவுந்தரராஜன் தலைமையில் நடைபெற்ற, வாராந்திர கோவிட் -19 மேலாண்மை கூட்டத்தில், கரோனா தொற்றை கட்டுப்படுத்த ஊரடங்கு கட்டுப்பாடுகளை நீட்டிக்க வேண்டும் என சுகாதாரத்துறை சார்பில் வலியுறுத்தபட்டது.

புதுச்சேரியில் வாராந்திர கோவிட் 19 மேலாண்மை கூட்டம், துணைநிலை ஆளுநர் மாளிகையில் நேற்று (மே.27) மாலை நடைபெற்றது. சுகாதாரத்துறை இயக்குநர் மருத்துவர் மோகன்குமார், புதுச்சேரியின் தற்போதைய கொரோனா நிலவரம் குறித்துப் படக்காட்சி மூலம் விளக்கினார்.

தற்போது மேற்கொள்ளப்பட்டு வரும் கரோனா தொற்றுத் தடுப்பு நடவடிக்கைகள், ஊரடங்கு கட்டுப்பாடுகளால் ஏற்பட்டுள்ள பயன்கள், தடுப்பூசி போடுவதில் எதிர்கொள்ளும் நடைமுறை சிக்கல்கள் ஆகியவை கூட்டத்தில் விவாதிக்கப்பட்டன.