தமிழ்நாட்டில் கரோனா வைரசின் தாக்கம் சற்று குறைய தொடங்கியுள்ளது. இதனைக் கட்டுக்குள் கொண்டுவரும் நோக்கில் மத்திய மாநில அரசுகள் பல்வேறு நடவடிக்கைகளை மேற்கொண்டுவருகின்றன. இந்நிலையில், இன்று தமிழ்நாட்டில் புதிதாக இரண்டாயிரத்து 481 நபர்களுக்கு கரோனா வைரஸ் தொற்று பாதிப்பு இருப்பது உறுதிசெய்யப்பட்டுள்ளது.
இதுதொடர்பாக மக்கள் நல்வாழ்வுத்துறை வெளியிட்டுள்ள புள்ளி விவர தகவலில், “தமிழ்நாட்டில் மேலும் 68 ஆயிரத்து 984 நபர்களுக்கு ஆர்டிபிசிஆர் பரிசோதனை செய்யப்பட்டது. இதன் மூலம் புதிதாக 2481 நபர்களுக்கு கரோனா வைரஸ் தொற்று உறுதி செய்யப்பட்டுள்ளது.
தமிழ்நாட்டில் இதுவரை 98 லட்சத்து 29 ஆயிரத்து 13 நபர்களுக்கு ஆர்.டி.பி.சி.ஆர். பரிசோதனை செய்யப்பட்டுள்ளது. இவர்களில் ஏழு லட்சத்து 29 ஆயிரத்து 507 நபர்களுக்கு கரோனா வைரஸ் தொற்று பாதிப்பு இருந்தது தெரியவந்தது. அவர்களில் தற்போது மருத்துவமனைகள் மற்றும் தனிமைப்படுத்தும் மையங்களில் 19 ஆயிரத்து 504 நபர்கள் சிகிச்சை பெற்றுவருகின்றனர்.
மேலும் மருத்துவமனையில் சிகிச்சை பெற்றுவந்த மூன்றாயிரத்து 940 பேர் பூரண குணமடைந்து இன்று வீடு திரும்பினர். இதன்மூலம் மாநிலத்தில் குணமடைந்தவர்கள் எண்ணிக்கை ஆறு லட்சத்து 98 ஆயிரத்து 820 ஆக அதிகரித்துள்ளது.
கரோனாவால் பாதிக்கப்பட்டு தனியார் மருத்துவமனையில் சிகிச்சைப் பெற்ற 21 பேர், அரசு மருத்துவமனையில் சிகிச்சை பெற்ற 10 பேர் என மொத்தம் 31 பேர் இன்று ஒரே நாளில் சிகிச்சைப் பலனின்றி உயிரிழந்துள்ளனர். இதனால் மாநிலத்தில் தொற்றால் பாதிக்கப்பட்டு உயிரிழந்தவர்களின் எண்ணிக்கை 11 ஆயிரத்து 183 ஆக அதிகரித்துள்ளது.
சென்னையில் புதிதாக நோய் தொற்றினால் 671 பேர் பாதிக்கப்பட்டுள்ளனர். பெரம்பலூர், தென்காசி ஆகிய மாவட்டங்களில் தலா நான்கு பேர் மட்டுமே புதிதாக பாதிக்கப்பட்டுள்ளனர்.
மாவட்டம் வாரியாக கரோனாவால் பாதிக்கப்பட்டவர்களின் மொத்த எண்ணிக்கை விவரம்:
சென்னை- 2,01195
செங்கல்பட்டு- 43,999
கோயம்புத்தூர் -43,751
திருவள்ளூர்-38,116
சேலம் -27,514
காஞ்சிபுரம் -25,691
கடலூர் -23,290
மதுரை -18,813
வேலூர்-18,037
திருவண்ணாமலை -17,730
தேனி- 16,268
விருதுநகர் -15,471
தஞ்சாவூர் -15,442
தூத்துக்குடி - 15,128
ராணிப்பேட்டை -14,942
கன்னியாகுமரி-14,987
திருநெல்வேலி -14,260
விழுப்புரம்-13,821
திருச்சிராப்பள்ளி -12,570
திருப்பூர் -12, 992
புதுக்கோட்டை -10, 635
கள்ளக்குறிச்சி- 10,320
ஈரோடு- 10,478
திண்டுக்கல் - 9,821
திருவாரூர் -9,730
நாமக்கல் -9,206
தென்காசி- 7,830
நாகப்பட்டினம்- 6,775
திருப்பத்தூர் -6,719
நீலகிரி -6,723
கிருஷ்ணகிரி- 6,598
ராமநாதபுரம் -6,021
சிவகங்கை -5,922
தருமபுரி- 5,637
அரியலூர்- 4,393
கரூர் - 4,194
பெரம்பலூர் - 2,153
சர்வதேச விமானத்தில் வந்தவர்கள் -925
உள்நாட்டு விமானத்தில் வந்தவர்கள்- 982
ரயில் மூலம் வந்தவர்கள் -428 பேர் கரோனா தொற்றினால் பாதிக்கப்பட்டுள்ளனர்.
