இது குறித்து ஜாக்டோ-ஜியோ கூட்டமைப்பு வெளியிட்டுள்ள செய்திக் குறிப்பில், "தமிழ்நாட்டில் கரோனா இரண்டாவது அலை வேகமாகப் பரவி வருகிறது.
இத்தகைய ஒரு அசாதாரணமான சூழ்நிலையில், தமிழ்நாட்டில் உள்ள 12 லட்சம் ஆசிரியர்கள், அரசு ஊழியர்கள், சிறப்புக் காலமுறை ஊதியத்தில் பணியாற்றும் சத்துணவு, அங்கன்வாடிப் பணியாளர்களின் கூட்டமைப்பான ஜாக்டோ-ஜியோ, அனைத்து பணியாளர்களின் மொத்த ஒருநாள் ஊதியமான 150 கோடி ரூபாயை கரோனா தடுப்பு நடவடிக்கைகளை மேற்கொள்வதற்காக அரசிற்கு வழங்க முடிவு செய்துள்ளது.
கரோனா தடுப்பு நடவடிக்கையில் ஈடுபட்டுள்ள முன்களப் பணியாளர்களுக்கு ஜாக்டோ-ஜியோ தனது மனமார்ந்த பாராட்டுதல்களையும் நன்றியினையும் தெரிவித்துக் கொள்கிறது" எனத் தெரிவிக்கப்பட்டுள்ளது.
இதையும் படிங்க: வேளாண்மைக்கு தனி பட்ஜெட் உருவாக்கப்படும்: எம்.ஆர்.கே பன்னீர்செல்வம்
