நாங்குநேரி, விக்கிரவாண்டி தொகுதிகளுக்கான இடைத்தேர்தல் வருகின்ற அக்டோபர் 21ஆம் தேதி நடைபெறவுள்ளது. இதில் திமுக கூட்டணி சார்பில் விக்கிரவாண்டியில் திமுகவும் நாங்குநேரியில் காங்கிரஸ் கட்சியும் போட்டியிடுகின்றன.
அதிமுக சார்பில் இரண்டு தொகுதிகளுக்கும் ஏற்கனவே வேட்பாளர்கள் அறிவிக்கப்பட்டு தேர்தல் பணிகள் தொடங்கப்பட்டுவிட்டன. திமுகவும் தனது விக்கிரவாண்டி வேட்பாளரை அறிவித்துவிட்டது.
இந்த நிலையில், காங்கிரஸ் சார்பில் போட்டியிடும் வேட்பாளரை அக்கட்சியின் தலைமை இன்று அறிவிக்கவுள்ளது. குமரி அனந்தன் உள்ளிட்ட 20 பேர் விருப்பமனு தாக்கல் செய்துள்ள நிலையில், அக்கட்சியின் தலைமை யாரை வேட்பாளராக அறிவிக்கும் என்ற எதிர்பார்ப்பு காங்கிரஸ் தொண்டர்கள் மத்தியில் எழுந்துள்ளது.
இதையும் படிங்க: நாங்குநேரி தொகுதியில் குடும்ப சண்டையா? - வலுக்கிறது காங்கிரஸ் உட்கட்சி பூசல்
