சமூக வலைதளங்களில் விடுதலைச் சிறுத்தைகள் கட்சியின் தலைவர் தொல். திருமாவளவன் பேசிய காணொளி ஒன்று தற்போது வேகமாகப் பரவிவருகிறது. காணொளியில் பெண்களை இழிவுப்படுத்தும் வகையில் திருமாவளவன் கருத்துகளை வெளியிட்டதாக, பல்வேறு தரப்பினர் அவரின் பேச்சுக்கு கண்டனமும், ஆதரவும் தெரிவித்துவருகின்றனர்.
இதுதொடர்பாக, அவர் மீது கலகம் செய்தல், உணர்வுகளைத் தூண்டிவிட்டு கலவரம் செய்ய முயற்சித்தல், மதத்தினரிடையே கலவரத்தை உருவாக்குதல், மத உணர்வுகளைப் புண்படுத்துதல் உள்ளிட்ட ஆறு பிரிவுகளின்கீழ் வழக்குப்பதிவு செய்யப்பட்டுள்ளது. இதற்குக் கண்டனம் தெரிவித்து, பல அரசியல் கட்சியினர் குரல் கொடுத்துவருகின்றனர்.
இதுதொடர்பாக ட்வீட் செய்துள்ள காங்கிரஸ் மூத்த தலைவர் ப. சிதம்பரம், “தந்தை பெரியார் பற்றிய கருத்தரங்கில் நண்பர் திருமாவளவன் ஆற்றிய உரை (குற்றவியல்) குற்றம் என்று காவல் துறை வழக்குப் பதிவு செய்திருக்கிறது. பேசிய பொருள் ஏற்படையதா இல்லையா என்பது பற்றி இரண்டு கருத்துக்கள் இருக்கலாம். ஆனால் அது எப்படி (குற்றவியல்) குற்றம் ஆகும்?” எனக் கேள்வி எழுப்பியுள்ளார்.
இதையும் படிங்க...'திருமாவளவன் மீது வழக்கு பதிவுசெய்யப்பட்டிருப்பது ஜனநாயக விரோதம்!'
