சென்னை: சட்டப்பேரவையில் நிதிநிலை அறிக்கை பதில் உரையில் நிறைவாக சபாநாயகர் அப்பாவு பேசியதாவது, "தொழில் முதலீடுகளை ஈர்க்க புரிந்துணர்வு ஒப்பந்தங்களை மேற்கொள்ள முதலமைச்சர் மு.க.ஸ்டாலின் இன்று (மார்ச் 24) துபாய் பயணம் மேற்கொள்கிறார். பத்திரிகைகள் தலைசிறந்த முதலமைச்சர் மு.க.ஸ்டாலின் என பாராட்டைத் தெரிவித்துள்ளன.
சிறந்த முதலமைச்சர் என்பதைவிட, இந்தியாவில் சிறந்த மாநிலமாக தமிழ்நாடு திகழ்வதே பெருமை என மு.க.ஸ்டாலின் குறிப்பிட்டுள்ளார். தமிழ்நாடு அனைவருக்கும் பாதுகாப்பு அளிக்கும் மாநிலமாகத் திகழ்வதால், சர்வதேச செஸ் போட்டி நடத்த அனுமதி அளிக்கப்பட்டுள்ளது.
ஆஸ்திரேலியா, ஈரான் உள்ளிட்ட நாட்டின் பாதுகாப்பு அலுவலர்கள், நம் ஆளுநரை சந்தித்து இந்தியாவில் பாதுகாப்பான மாநிலம் எது எனக் கேட்டுள்ளனர். அதற்கு அவர் அமைதி, நல்லிணக்கம் இதற்கு எடுத்துக்காட்டு தமிழ்நாடு தான் என்று கூறியுள்ளார்.
முதலமைச்சர் மு.க.ஸ்டாலின் வெளிநாட்டுப் பயணம் இந்தியாவின் முதல் மாநிலமாக தமிழ்நாட்டை உருவாக்கும்" என்றார்.
இதையும் படிங்க: முல்லைப் பெரியாறு அணைக்கு மாற்றாக புதிய அணை.. நீர்மட்டத்தை 140 அடியாக குறைக்க கேரளா திட்டம்!
