சென்னை: பெகாட்ரான் டெக்னாலஜி இந்தியா பிரைவேட் லிமிடெட் (Pegatron Technology India Pvt . Ltd.) நிறுவனத்தின் மேலாண்மை இயக்குநரிடம், தமிழ்நாடு வழிகாட்டி (Guidance TamilNadu) நிறுவனம் வெளியிட்ட 'தமிழ்நாட்டில் முதலீடு செய்யுங்கள்' என்ற மலரை முதலமைச்சர் வழங்கினார்.
தமிழ்நாட்டில் முதலீடு செய்யுங்கள் என்ற மலரை வழிகாட்டுதல் தமிழ்நாடு என்ற நிறுவனம் வெளியிட்டிருந்தது. அந்த மலரை இன்று தலைமைச் செயலகத்தில் நடைபெற்ற தொழில்துறை உயர்மட்டக் குழுக்கூட்டத்தில், பெகாட்ரான் டெக்னாலஜி இந்தியா பிரைவேட் லிமிடெட் நிறுவனத்தின் மேலாண்மை இயக்குநரிடம் முதலமைச்சர் எடப்பாடி பழனிசாமி வழங்கினார்.
அப்போது, தொழில்துறை அமைச்சர் எம்.சி. சம்பத், தலைமைச் செயலர் க. சண்முகம், நிதித் துறை கூடுதல் தலைமைச் செயலர் எஸ். கிருஷ்ணன், தொழில்துறை முதன்மைச் செயலர் நா. முருகானந்தம், தமிழ்நாடு வழிகாட்டி நிறுவனத்தின் மேலாண்மை இயக்குநர் முனைவர் நீரஜ் மித்தல், பெகாட்ரான் நிறுவனத்தின் நிர்வாகிகள் உடனிருந்தனர்.
இதையும் படிங்க: தமிழகத்தில் முதலீடு செய்ய உலக தமிழர்களுக்கு அரசு அழைப்பு
