சென்னை : தென்மேற்கு வங்கக்கடலில் உருவான குறைந்த காற்றழுத்த தாழ்வுப் பகுதி காரணமாகச் சென்னையில் நேற்று முன்தினம் இரவு முதல் இன்று அதிகாலை வரை இடைவிடாமல் மழை கொட்டி தீர்த்தது. இதனால் சென்னை முழுவதும் வெள்ளக்காடானது.
கனமழை காரணமாகத் தமிழ்நாடு அரசு விடுமுறையை அறிவித்ததைத் தொடர்ந்து சென்னை மெட்ரோ ரயில் சேவை இன்று (நவ.08), ஞாயிற்றுக்கிழமை, அரசு பொது விடுமுறைக் கால அட்டவணையின் படி காலை 05:30 மணி முதல் இரவு 11:00 மணி வரை நீட்டிக்கப்பட்டுள்ளது.
இந்த மெட்ரோ சேவை நாள் முழுவதும் 10 நிமிட இடைவெளியில் இயக்கப்படும் என தெரிவித்துள்ளது. மேற்கண்ட மெட்ரோ ரயில் நீட்டிப்பு சேவை இன்று மட்டுமே என மெட்ரோ ரயில் நிர்வாகம் தெரிவித்துள்ளது.
இதையும் படிங்க : சென்னை மின்சார ரயில் வழக்கம் போல் இயங்கும்!
