சென்னை: மேற்குதிசை காற்றின் வேகமாறுபாடு காரணமாக, தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். கோயம்புத்தூர் மாவட்டத்தின் மலை பகுதிகள், நீலகிரி, தேனி, திண்டுக்கல் மற்றும் மதுரை மாவட்டங்களில் ஓரிரு இடங்களில் கனமழை பெய்யவாய்ப்புள்ளது என சென்னை வானிலை மையம் இன்று தெரிவித்துள்ளது.
இது குறித்து சென்னை மண்டல வானிலை மையம் வெளியிட்ட செய்திக் குறிப்பில், “தென்மேற்கு பருவமழை தமிழகத்தில் தீவிரமடைந்துள்ளது. இதனால், தமிழகம், புதுச்சேரி, காரைக்கால், மற்றும் தமிழகத்தில், 4 மாவட்டங்களில் கனமழைக்கு இன்று வாய்புள்ளது. மேலும் அடுத்த இரண்டு நாட்களுக்கு தமிழகத்தில் இடி மின்னல் மிதனமான மழைக்கு வாய்புள்ளது.
சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான முதல் மிதமான மழை பெய்யக்கூடும். அதிகபட்ச வெப்பநிலை 35-36 டிகிரி செல்சியஸ் மற்றும் குறைந்தபட்ச வெப்பநிலை 25-26 டிகிரி செல்சியஸை ஒட்டியும் இருக்கக்கூடும்.
24 மணி நேரத்தில் பதிவான மழை: புதுக்கோட்டையில் அதிகபட்சமாக 9 செ.மீ மழையும், களியல் (கன்னியாகுமரி), திற்பரப்பு (கன்னியாகுமரி), பாம்பார் அணை (கிருஷ்ணகிரி), நாகுடி (புதுக்கோட்டை), திருவாடானை (ராமநாதபுரம்), மணியாச்சி (தூத்துக்குடி), மாதவரம் AWS (திருவள்ளூர்) பகுதிகளில் தலா 7 செ.மீ மழை பதிவாகி உள்ளது.
CD மருத்துவமனை தண்டையார்பேட்டை (சென்னை), மாதவரம் (சென்னை), KCS மில்-1 அரியலூர் (கள்ளக்குறிச்சி), பாலமோர் (கன்னியாகுமரி), பேச்சிப்பாறை (கன்னியாகுமரி), ஊத்தங்கரை (கிருஷ்ணகிரி), தொண்டி (ராமநாதபுரம்), தாலுகா அலுவலகம் பந்தலூர் (நீலகிரி) பகுதிகளில் தலா 6 செ.மீ மழையும் பதிவாகி உள்ளது.
கோழிப்போர்விளை (கன்னியாகுமரி), நெடுங்கல் (கிருஷ்ணகிரி), புலிப்பட்டி (மதுரை), ஆயின்குடி (புதுக்கோட்டை), தீர்த்தண்டானம் (ராமநாதபுரம்), வட்டானம் (ராமநாதபுரம்), பயணியர் விடுதி சிவகங்கை, சேத்துப்பட்டு (திருவண்ணாமலை), போளூர் (திருவண்ணாமலை), செங்கம் (திருவண்ணாமலை), RSCL-2 முண்டியம்பாக்கம் (விழுப்புரம்) பகுதிகளில் தலா 5செ.மீ மழையும் பதிவாகி உள்ளது.
மீனவர்களுக்கு எச்சரிக்கை: குமரிக்கடல் பகுதிகள், வடதமிழக கடலோரப்பகுதிகள் மற்றும் அதனை ஒட்டிய தென்மேற்கு வங்கக்கடல் பகுதிகளில் சூறாவளிக்காற்று மணிக்கு சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும் வீசக்கூடும்.
வங்கக்கடல் பகுதிகள்: இன்று (செப். 19) தெற்கு ஆந்திர கடலோரப்பகுதிகள் மற்றும் அதனை ஒட்டிய மத்தியமேற்கு வங்கக் கடல் பகுதிகள் மற்றும் தெற்கு இலங்கை கடலோரப்பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும் வீசக்கூடும்” எனக் குறிப்பிடப்பட்டு உள்ளது.
இதையும் படிங்க: Aditya L1: சூரியனின் எல்1 புள்ளியை நோக்கிய பயணத்தில் ஆதித்யா எல்1!
