கீழடி அகழாய்வுகள் குறித்து வைகோவின் கேள்விகளும், பண்பாட்டுத்துறை அமைச்சர் பிரகலாத் படேல் விளக்கமும் பின்வருமாறு:
கேள்வி: மதுரை அருகே, வைகை ஆற்றங்கரைச் சமவெளியில், கீழடி என்ற இடத்தில் தொல்லியல் துறை மேற்கொண்ட ஆய்வுகளில் கிடைத்த பொருட்கள், கி.மு. 6 ஆம் நூற்றாண்டுக் காலத்தவை என்பது உண்மையா?
பதில்: ஆம். கீழடியில், தமிழ்நாடு தொல்பொருள் துறை மேற்கொண்ட ஆய்வுகளில் கிடைத்த பொருட்கள், கி.மு. 6 முதல் மூன்றாம் நூற்றாண்டுக் கால கட்டத்தைச் சேர்ந்தவை என, கரிமப் பகுப்பு ஆய்வுச் சோதனைகளின் வழியாக உறுதி செய்யப்பட்டுள்ளது.
கேள்வி: கீழடி ஆய்வுகளில், இந்தியத் தொல்பொருள் துறையின் பங்கு என்ன? அதற்காக ஒதுக்கிய நிதி எவ்வளவு?
பதில்: இந்தியத் தொல்பொருள் துறை, 2014/15, 2015/16, 2016/17, 2017/18 ஆகிய ஆண்டுகளில் கீழடியில் மூன்று களங்களில் ஆய்வுகள் மேற்கொண்டது. அதற்காக செலவிடப்பட்ட நிதி 2014/15ஆம் ஆண்டில் ரூ. 7,70,010, 2015/16ஆம் ஆண்டில் ரூ. 48,50,798, 2016/17ஆம் ஆண்டில் ரூ. 35,50,000, 2017/18ஆம் ஆண்டு ரூ. 22,50,000 நிதியும் செலவிடப்பட்டுள்ளது.
கேள்வி: கீழடியில் கிடைத்த பழம்பொருட்களைக் காட்சிப்படுத்த, அங்கே ஒரு அருங்காட்சியகம் அமைக்கப்படுமா? நாடு முழுமையும் உள்ள பிற அருங்காட்சியகங்களில் அந்தப் பொருட்கள் காட்சிப்படுத்தப்படுமா?
பதில்: இல்லை. கீழடியில், தமிழ்நாடு அரசு ஒரு அருங்காட்சியகம் அமைக்கின்றது.
இதையும் படிங்க: அனைத்து கட்சிகளும் ஒத்தைக்கு ஒத்தை போட்டு பாத்திருவோம் - சவால் விடும் அமைச்சர்!
