சென்னை: குரோம்பேட்டை கக்கலஞ்சாவடியைச் சேர்ந்தவர் துளசிராமன். இவர் தனியார் வங்கி ஒன்றில் பணிபுரிந்து வருகிறார். இவர் தனது இருசக்கர வாகனத்தில் குரோம்பேட்டை எம்.ஐ.டி மேம்பாலத்தில் சென்று கொண்டிருந்தார்.
அப்போது பின்புறமாக வேகமாக வந்த கார் அவர் மீது மோதியது. இதில் நிலை தடுமாறி கீழே விழுந்ததில் லேசான காயங்களுடன் உயிர் தப்பினார்.
கார் விபத்து
வேகமாக வந்து மோதிய கார் மேம்பாலத்தின் மீது தலைகுப்புற கவிழ்ந்து கிடந்தது. தகவலறிந்து சென்ற குரோம்பேட்டை போக்குவரத்து காவல்துறையினர் கவிழ்ந்து கிடந்த காரை தூக்கி நிமிர்த்தினர். அப்போது காரில் இருவர் சிக்கிக் கொண்டது தெரிய வந்தது.
இதையடுத்து அவர்களை மீட்டு குரோம்பேட்டை அரசு மருத்துமனைக்கு அனுப்பி வைத்தனர். கார் ஓட்டுநர் மதுபோதையில் வாகனத்தை இயக்கி விபத்தை ஏற்படுத்தியது தெரிய வந்தது. கார் ஓட்டுநர், காரில் இருந்த மற்றொருவர் மீது காவல்துறையினர் வழக்குப் பதிவு செய்துள்ளனர்.
இதையும் படிங்க: மணல் திருட்டு - மூவர் கைது
