வங்கதேசத்தை சேர்ந்தவர் புராஜஷ் சந்திர நாத். இவரது சகோதரர் பங்கஜ் சந்திர நாத் (வயது 28) வங்கதேசத்தில் நடந்து விபத்து ஒன்றில் அவரது வலது கை மற்றும் தலையில் பலத்த காயம் ஏற்பட்டுள்ளது. இதனால், மனநலம் பாதிக்கப்பட்டிருந்த பங்கஜ் சந்திரநாத்துக்கு சிகிச்சை அளிக்க, வேலூரில் இருக்கும் தனியார் மருத்துவமனைக்கு அழைத்துச் செல்லுமாறு அங்குள்ள மருத்துவமனை பரிந்துரைத்துள்ளது.
இதைத்தொடர்ந்து, சிகிச்சைக்காக புரோதன்ய சந்திர நாத், பங்கஜ் சந்திர நாத் மற்றும் தன் உறவினர்களுடன் வேலூருக்கு வந்துள்ளார். இதையடுத்து, வேலூரில் தனியார் விடுதியில் தங்கியிருந்த பங்கஜ் சந்திர நாத் கடந்த ஜனவரி 30-ஆம் தேதி காணாமல் போனார்.
இது தொடர்பாக, அவரது சகோதரர் புராஜஷ் வேலூர் காவல் நிலையத்தில் புகார் அளித்துள்ளார். கடந்த 2 மாதங்களாக வேலூரில் எங்குதேடியும் தனது சகோதரர் கிடைக்காத நிலையில் அங்குள்ள சிசிடிவி காட்சிகளை ஆய்வு செய்யுமாறு புராஜஷ் சந்திர நாத் போலிசாரிடம் கூறியுள்ளார்.
ஆனால் இரண்டு மாதங்கள் ஆகியும் போலீசார் எந்தவித நடவடிக்கையும் மேற்கொள்ளவில்லை. இந்நிலையில், தமிழ் மொழி தெரியாமல் காணமால் போன, தன் சகோதரனை கண்டு பிடிக்கக் கோரி புராஜஷ் சந்திர நாத் தனது உறவினருடன் சென்னையில் உள்ள டிஜிபி அலுவலகத்தில் புகார் அளித்துள்ளார்.
