வைட் கார்ப்பட் ஃபிலிம்ஸ் சார்பில் K.விஜய் பாண்டி தயாரிப்பில், கதாநாயகனாக அருள்நிதி நடித்துள்ள திரைப்படம் 'தேஜாவு'. இப்படத்தை அறிமுக இயக்குநரான அரவிந்த் ஸ்ரீநிவாசன் இயக்கியுள்ளார். இப்படத்தில் மதுபாலா, அச்சுத் குமார், ஸ்மிருதி வெங்கட், ராகவ் விஜய், சேத்தன், 'மைம்' கோபி, காளி வெங்கட் உள்ளிட்டோர் முக்கிய கதாபாத்திரங்களில் நடித்துள்ளனர்.
படத்தின் டிரைலரை இன்று (ஜூலை 14) நடிகரும், தயாரிப்பாளருமான உதயநிதி ஸ்டாலின் வெளியிட்டார். டிரைலரை கண்டு ரசித்து படக்குழுவினருக்கு தன் வாழ்த்துக்களையும் தெரிவித்தார். நிகழ்வின் போது தேஜாவு படத்தின் நாயகன் அருள்நிதி, தயாரிப்பாளர் விஜய் பாண்டி, இயக்குநர் அரவிந்த் ஶ்ரீநிவாசன், ரெட் ஜெயன்ட் மூவிஸ் இணை தயாரிப்பாளர் M.செண்பகமூர்த்தி, ரெட் ஜெயன்ட் மூவிஸ் C.ராஜா ஆகியோர் உடனிருந்தனர்.
இப்படத்திற்கு ஜிப்ரான் இசையமைக்க, PG முத்தையா ஒளிப்பதிவு செய்துள்ளார். அருள் E. சித்தார்த் படத்தொகுப்பாளராக பணியாற்றியுள்ளார். டிரைலர் வெளியான சில நிமிடங்களில் பலரின் கவனத்தை ஈர்த்துள்ளது. இத்திரைப்படம் ஜூலை 22ஆம் தேதி திரையரங்குகளில் வெளியாகிறது.
இதையும் படிங்க: ஆகஸ்ட்டில் தொடங்கும் ரஜினியின் ஜெயிலர் படப்பிடிப்பு?
