“போலி விவசாயி” வேடத்தை “ரிப்பீட்” செய்ய வேண்டாம் - எடப்பாடிக்கு எம்ஆர்கே. பன்னீர்செல்வத்தின் அன்பு வேண்டுகோள்..

உழவர்களே, மக்களே பாராட்டும் வேளாண் நிதிநிலை அறிக்கையைக் கொச்சைப்படுத்தி - ஆளுங்கட்சியாக இருந்தபோது எதிர்க்கட்சித் தலைவர் பழனிசாமி போட்ட “போலி விவசாயி”, “போலி பச்சைத் துண்டு” வேடத்தை “ரிப்பீட்” செய்ய வேண்டாம் என வேளாண்மை மற்றும் உழவர் நலத்துறை அமைச்சர் எம்.ஆர்.கே.பன்னீர்செல்வம் தெரிவித்துள்ளார்.

சென்னை: வேளாண்துறைக்கென சட்டப்பேரவையில் 2வது முறையாக தமிழ்நாடு அரசின் 2022-23ஆம் ஆண்டிற்கான வேளாண்மை மற்றும் உழவர் நலத்துறைக்கான நிதிநிலை அறிக்கையை (தனி பட்ஜெட்) அமைச்சர் எம்.ஆர்.கே.பன்னீர் செல்வம் (மார்ச்.19) தாக்கல் செய்தார்.இந்த பட்ஜெட்டில் வேளாண்துறைக்கு மொத்தமாக ரூ.33,007 கோடி ஒதுக்கீடு செய்யப்பட்டுள்ளது. கடந்த ஆண்டு வேளாண்துறைக்கு ரூ.32,775.78 கோடி ஒதுக்கப்பட்டது குறிப்பிடத்தக்கது.

விவசாயிகளுக்கு பெரும் ஏமாற்றம்

இதனையடுத்து, வேளாண் பட்ஜெட் கூட்டம் முடிந்த பிறகு செய்தியாளர்களை சந்தித்த எதிர்க்கட்சி தலைவர் எடப்பாடி பழனிசாமி, "இது வேளாண் பட்ஜெட் அல்ல, வேளாண் மானிய கோரிக்கை தான். கொள்கை விளக்கத்தில் உள்ளதை தான் அமைச்சர் எம்.ஆர்.கே. பன்னீர்செல்வம் கூறியுள்ளார். விவசாயிகளுக்கு நன்மை பயக்கும் வகையில் இல்லை. விவசாயிகளுக்கு பெரும் ஏமாற்றம் அளிக்கிறது" என குற்றஞ்சாட்டினார்.

மேலும், பட்ஜெட் குறித்து கருத்து தெரிவித்து எடப்பாடி பழனிசாமி அறிக்கை ஒன்றையும் வெளியிட்டார். அதில், "திமுக விடியா அரசின் 2022-2023ம் ஆண்டுக்கான நிதிநிலை அறிக்கை ஒரு ஏமாற்று வெத்து வேட்டு மற்றும் "வார்த்தை ஜால தோரணங்களால் அமைக்கப்பட்ட வாய்பந்தல்" ஆகும், மக்கள் நலனில் உண்மையில் அக்கறை கொண்ட யாராலும் இந்த மக்களை ஏமாற்றும் நிதிநிலை அறிக்கையை வரவேற்க முடியாது.

முதலமைச்சர் தொலைநோக்குப் பார்வையில் தாக்கல் செய்யப்பட்ட வேளாண் நிதிநிலை அறிக்கை

குடிமராமத்து, பாதுகாக்கப்பட்ட வேளாண் மண்டலம் போன்ற திட்டங்களால் அதிமுகவின் ஆட்சி விவசாயிகளின் பொற்காலமாக திகழ்ந்தது, ஆனால் திமுக அரசின் இந்த வேளாண் பட்ஜெட் எந்த ஒரு பெரிய திட்டமும் இல்லாமல் கண்துடைப்பாக காற்றடைத்த பலூன் ஆக உள்ளது. இந்த வேளாண் பட்ஜெட் மக்களை ஏமாற்றும் பட்ஜெட்" என்று தெரிவித்தார்.

முதலமைச்சர் ஓடோடிச் சென்று உதவுகிறார்

இதுதொடர்பாக அமைச்சர் எம்.ஆர்.கே.பன்னீர்செல்வம் வெளியிட்டுள்ள அறிக்கையில், “நாடே போற்றும் தமிழ்நாடு அரசின் நிதி நிலை அறிக்கையையும், உழவர்கள் அனைவரும் பாராட்டும் வேளாண் நிதிநிலை அறிக்கையையும்” பார்த்து, உழவர்களை வஞ்சித்து ஆட்சி செய்துவிட்டு சென்ற எதிர்க்கட்சித் தலைவர் பழனிசாமிக்கு வயிற்றெரிச்சல் வந்துள்ளது.

அதனால் தானோ என்னவோ “திமுக ஆட்சியில் விவசாயிகள் அலைக்கழிப்பு” என்று ஒரு பச்சைப் பொய்யை அறிக்கையாக - பேட்டியாக கொடுத்திருக்கிறார். அதற்கு முதலில் எனது கடும் கண்டனத்தைத் தெரிவித்துக் கொள்கிறேன். திமுக ஆட்சியில் உழவர்கள் மகிழ்ச்சியுடன் இருக்கின்றனர். அவர்களுக்கு ஏதாவது ஒரு பாதிப்பு என்றால் தமிழ்நாடு முதலமைச்சர் ஓடோடிச் சென்று உதவுகிறார். விவசாயிகளை பாதிக்கக்கூடிய பிரச்சனைகளை ஏற்க முதலமைச்சர் மறுத்து வருகிறார்.

உழவர்களுக்கு முதலமைச்சர் ஓடோடிச் சென்று உதவுகிறார்

தாங்கிக் கொள்ள முடியவில்லை

உழவர்களுக்கான வேளாண் தனி நிதிநிலை அறிக்கைகளிலும்- வேளாண் துறைக்குப் பல்வேறு திட்டங்களை அறிவித்து- வேளாண் உட்கட்டமைப்பு, உற்பத்தி, விளைபொருட்களுக்கு ஏற்ற விலை என அனைத்திலும் முன்னுதாரணமாக விளங்கும் திட்டங்களை அறிவித்து செயல்படுத்தி வருகிறார். சென்ற வேளாண் நிதிநிலை அறிக்கையில் அளித்த அறிவிப்புகளை- இந்த வேளாண் நிதி நிலை அறிக்கைக்குள் நிறைவேற்றியுள்ளது திமுக அரசு.

நாடே போற்றும் தமிழ்நாடு அரசின் நிதி நிலை அறிக்கை