தமிழ்நாட்டில் நாளுக்கு நாள் கரோனா தொற்று பரவல் அதிகரித்துவருகிறது. இதைத்தொடர்ந்து அனைவருக்கும் தடுப்பூசி செலுத்தும் பணியை, தமிழ்நாடு அரசு தீவிரப்படுத்திவருகிறது. அந்த வகையில் பாரத் பயோடெக் நிறுவனத்தால் உள்நாட்டில் தயாரிக்கப்பட்ட கோவாக்சின் தடுப்பூசியும், சீரம் நிறுவன தயாரிப்பில் உருவாக்கப்பட்ட கோவிஷீல்டு தடுப்பூசியும் பயன்படுத்தப்பட்டு வருகின்றன.
இந்தநிலையில் ஹைதராபாத்தில் இருந்து இண்டிகோ ஏர்லைன்ஸ் விமானம் மூலம் 6 பார்சல்களில், 165 கிலோ எடை கொண்ட 72 ஆயிரம் டோஸ் கோவாக்சின் கரோனா தடுப்பூசி மருந்துகள் இன்று(மே.19) சென்னை விமான நிலையம் கொண்டு வரப்பட்டது.தடுப்பூசி மருந்துகளை சுகாதாரத்துறை அலுவலர்கள் பெற்றுக் கொண்டனர். இதையடுத்து குளிர்சாதன வாகனம் மூலம் கோவாக்சின் கரோனா தடுப்பூசி மருந்துகளை சென்னை விமான நிலையத்தில் இருந்து சென்னை DMS வளாகத்தில் உள்ள மாநில தடுப்பூசி சேமிப்பு மையத்திற்கு கொண்டு சென்றனர்.
இதையும் படிங்க: ’திருக்குறள் எழுதிட்டு கிளம்பு’ நூதன தண்டனையால் மிரளும் வாகன ஓட்டிகள்!
