சென்னை கொட்டிவாக்கம் ஒய்.எம்.சியே மைதானத்தில் திமுக சட்டப்பேரவை உறுப்பினரும், மாவட்ட செயலாளருமான ம.சுப்பிரமணியன் ஏற்பாட்டில் 'ரைசிங் சன்' என்ற தலைப்பில் 6 ஆயிரம் நபர்கள் இணைந்து உதய சூரியன் வடிவத்தில் நின்று உலக சாதனை படைத்துள்ளனர்.
இந்நிகழ்வை, திமுக தலைவர் ஸ்டாலின் நேரில் கண்டுகளித்தார். பின்னர், அவர் பேசியதாவது, "உதயசூரியன் வடிவத்தில் நின்று உலக சாதனை படைத்த உங்கள் அனைவருக்கும் வாழ்த்துகள். நான் முன்னரே கூறியதுபோல மீண்டும் சொல்கிறேன், வருகின்ற சட்டப்பேரவை தேர்தலில் திமுக 234 இடங்களிலும் வெற்றி பெறும் அளவிற்கு மக்களிடையே பெரும் ஆதரவு உள்ளது" என்றார்.
இதையும் படிங்க: 'சாலை பாதுகாப்பு மாதத்திலும் விபத்துகள் தொடரும் அவலம்' - ஸ்டாலின் ட்வீட்
