இன்றைய சட்டப்பேரவைக் கூட்டத்தொடரில் பிற்படுத்தப்பட்டோர், மிகவும் பிற்படுத்தப்பட்டோர் மற்றும் சிறுபான்மையினர் நலத்துறை அமைச்சர் வளர்மதி புதிய அறிவிப்புகளை வெளியிட்டார். அவை பின்வருமாறு:
- தமிழ்நாடு வக்பு வாரியத்திற்கு வழங்கப்படும் ஆண்டு நிர்வாக மானியம் 2 கோடி ரூபாயில் இருந்து 2 கோடியே 50 லட்சம் ரூபாயாக உயர்த்தப்படும்
- 11 மாநகராட்சிகளில் tnpsc, upsc, டிஆர்பி, வங்கி தேர்வு போன்ற போட்டி தேர்வுக்கு தயாராகும் பொருட்டு பயிற்சி நிலையங்கள் 2 கோடியே 86 லட்சத்து 33 ஆயிரம் செலவில் ஏற்படுத்தப்படும்.
- 23 கள்ளர் சீரமைப்பு மேல்நிலைப் பள்ளிகளுக்கு ஒரு கோடியே 5 லட்சத்து 97 ஆயிரம் ரூபாய் செலவில் திறன்மிகு வகுப்பறைகள் (ஸ்மார்ட் கிளாஸ்) எல்காட் நிறுவனம் மூலம் அமைத்து தரப்படும்.
- கள்ளர் சீரமைப்பு பள்ளிகளில் பிளஸ் 1, பிளஸ் 2 மாணவ மாணவியருக்கு ஒரு கோடியே 70 லட்சத்து 78 ஆயிரம் ரூபாய் செலவில் தனித் திறன் வளர்க்கும் பயிற்சி மற்றும் ஆங்கில பேச்சாற்றலை வளர்க்கும் பயிற்சி அளிக்கப்படும்.
- விடுதிகளுக்கு மாவு அரைக்கும் இயந்திரங்கள் சமையல் பாத்திரங்கள் மர சாமான்கள் ஆகியவை 6 கோடியே 64 லட்சத்து 30 ஆயிரம் செலவில் வழங்கப்படும்.
- விடுதிகளில் பழுது நீக்கும் பணிகளுக்காக ஒரு மாவட்டத்திற்கு ஒரு பிளம்பர், ஒரு எலக்ட்ரீசியன் பணியிடங்கள் என 31 மாவட்டங்களுக்கு 62 பணியிடங்கள் ஒரு கோடியே 72 லட்சத்து 46 ஆயிரம் ரூபாய் செலவில் புதிதாக உருவாக்கப்படும்.
- சிறப்பாக செயல்படும் காப்பாளர்கள், சமையலர், ஏவலர் மற்றும் துப்புரவு பணியாளர்களை ஊக்குவிக்க பரிசுகள் வழங்கப்பட உள்ளன. இதற்காக ஒரு லட்சத்து 9 ஆயிரம் ரூபாய் ஒதுக்கீடு செய்யப்படும்.
- 83 கல்லூரி விடுதிகளுக்கு கட்டில் வழங்க 5 கோடியே 14 லட்சம் ரூபாய் ஒதுக்கீடு செய்யப்பட்டுள்ளது என்பன உள்ளிட்ட 17 அறிவிப்புகளை வெளியிட்டார்.
