சட்டப்பேரவையில் இன்று கேள்வி நேரத்தின்போது அதிமுக உறுப்பினர் செம்மலை, தமிழ் மொழியில் புதிய சொற்கள் உருவாக்கும் பணி தொடர்கிறதா? என கேள்வி எழுப்பினார்.
இதற்கு பதிலளித்த தமிழ் வளர்ச்சித்துறை அமைச்சர் மா.பாண்டியராஜன், "சொற்குவை என்ற திட்டம் உருவாக்கப்பட்டு, இதற்காக 1 கோடி ரூபாய் நிதியும் ஒதுக்கீடு செய்து, புதிய தமிழ் சொற்களை உருவாக்கும் பணியில் ஈடுபட்டு வருகிறோம். ஆங்கிலத்தில் 1,71,476 வார்த்தைகள் தான் உள்ளன. ஆனால், தமிழில் இதுவரை 4 லட்சத்திற்கும் அதிகமான வார்த்தைகள் கண்டுபிடிக்கப்பட்டுள்ளன. இன்னும் 6 லட்சத்திற்கும் அதிகமான வார்த்தைகள் இருக்கும்" என்றார்.
மேலும் பேசிய அவர், "இந்த பணியில் இளைஞர்களை அதிகளவில் ஈடுபடுத்த நடவடிக்கை எடுக்கப்பட்டிருப்பதாகவும், தமிழ் மொழி பெருமையின் நீள, அகலத்தை அளவிடும் முயற்சியில் ஈடுபட்டிருப்பதாகவும் தெரிவித்தார்.
