டோக்கியோ: ஒலிம்பிக் ஆடவர் மல்யுத்தம் ப்ரீ-ஸ்டைல் 65கிலோ எடைப்பிரவில் வெண்கலப் பதக்கத்திற்கான போட்டி இன்று (ஆக.7) நடைபெற்றது. இதில், இந்திய வீரர் பஜ்ரங் புனியா, கஜகஸ்தான் வீரர் தவ்லத் நியாஸ்பெக்கோவ் (Daulet Niyazbekov) உடன் மோதினார்.
பைல்வான் பஜ்ரங்
இப்போட்டியில் ஆரம்பத்தில் இருந்தே பஜ்ரங் புனியா எதிராளியை மடக்கி பிடித்து புள்ளிகளைப் பெறத் தொடங்கினார். இதன்மூலம், 8-0 என்ற புள்ளிக்கணக்கில் தவ்லத்தை வீழ்த்தி பஜ்ரங் புனியா வெண்கலப் பதக்கத்தை வென்றார். மல்யுத்தத்தில் ரவிக்குமார் தாஹியா வெள்ளி பதக்கம் வென்றிருந்தார்.
இந்நிலையில், டோக்கியோ ஒலிம்பிக்கில் இந்தியா 2 வெள்ளி, 4 வெண்கலம் என 6 பதக்கங்களை பெற்றுள்ளது குறிப்பிடதக்கது.
இதையும் படிங்க: ஒலிம்பிக் கோல்ஃப் போட்டி: அதிதி அசோக் அதிர்ச்சித் தோல்வி
