யு.எஸ். ஓபன் கிராண்ட்ஸ்லாம்: காலிறுதிச் சுற்றில் நடால்

யு.எஸ். ஓபன் கிராண்ட்ஸ்லாம் டென்னிஸ் தொடரின் ஆடவர் ஒற்றையர் பிரிவில் ஸ்பெயின் வீரர் நடால் காலிறுதிச் சுற்றுக்கு முன்னேறியுள்ளார்.

நடப்பு ஆண்டின் இறுதி கிராண்ட்ஸ்லாம் டென்னிஸ் தொடரான யு.எஸ். ஓபன் தொடர் நியூயார்க்கில் நடைபெற்றுவருகிறது. இதில், ஆடவர் ஒற்றையர் பிரிவின் நான்காவது சுற்றுப் போட்டியில், ஸ்பெயினின் நட்சத்திர வீரர் ரஃபேல் நடால் - குரோஷியாவின் மரின் சிலிக் மோதினர்.

விறுவிறுப்பாக நடைபெற்ற இப்போட்டியில், நடால் 6-3, 3-6, 6-1, 6-2 என்ற செட் கணக்கில் வெற்றிபெற்று காலிறுதிச் சுற்றுக்குள் நுழைந்துள்ளார். இதேபோல் நடைபெற்ற மற்றொரு நான்காம் சுற்றுப் போட்டியில், அர்ஜென்டினாவின் தியாகோ 3-6, 6-2, 6-4, 6-3 என்ற செட் கணக்கில் ஜெர்மனியின் அலெக்சாண்டர் ஜுவர்வை வீழ்த்தி காலிறுதிச் சுற்றுக்கு முன்னேறியுள்ளார். இதைத்தொடர்ந்து, நாளை மறுநாள் (செப்டம்பர் 5) நடைபெறவுள்ள காலிறுதிப் போட்டியில் நடால், தியாகோவை சந்திக்கவுள்ளார்.