சீனா ஓபன் டென்னிஸ் தொடர் பெய்ஜிங்கில் தற்போது நடைபெற்றுவருகிறது. இதன் மகளிர் ஒற்றையர் பிரிவில் நான்காவது சுற்றுப் போட்டியில் ஆஸ்திரேலியாவின் ஆஷ்லி பார்ட்டியை எதிர்த்து கஷக் வீராங்கனை யூலியா ஆடினார்.
ஆட்டம் தொடங்கியதிலிருந்து அபாரமாக ஆடிய ஆஷ்லி பார்ட்டி, முதல் செட்டை 6-3 எனக் கைப்பற்ற, இரண்டாவது செட்டை டை - ப்ரேக்கர் முறையில் யூலியா 6-7 எனக் கைப்பற்றியதால், மூன்றாவது செட் ஆட்டம் சூடு பிடித்தது.
மூன்றாவது செட் ஆட்டத்தில் ஆக்ரோஷமாக ஆடிய ஆஷ்லி பார்ட்டியை சமாளிக்க முடியாமல் யூலியா திணறினார். இறுதியாக ஆஷ்லி பார்ட்டி 6-2 என மூன்றாவது செட்டைக் கைப்பற்றி காலிறுதிச் சுற்றுக்கு முன்னேறினார்.
காலிறுதிச் சுற்றில் ஆஷ்லி பார்ட்டியின் பரம எதிரியாக கருதப்படும் பெட்ரா குவிட்டோவாவை எதிர்த்து ஆடவுள்ளார். இந்த ஆண்டில் நான்காவது முறையாக இருவரும் மோதவுள்ளது குறிப்பிடத்தக்கது.
இதையும் படிக்கலாமே: மணமகள் ஆகிறார் சானியா மிர்சாவின் தங்கை! மாப்பிள்ளை யார் தெரியுமா?
