ஆன்லைன் வில்வித்தை தொடர் இனி நேரலையிலும்...!

கோவிட்-19 பெருந்தொற்றினால் பல உலகநாடுகளில் ஊரடங்கு உத்தரவு அமல்படுத்தப்பட்டுள்ளதால் , ஆன்லைன் வில்வித்தை போட்டியான ‘லாக்டவுன் நாக் அவுட் தொடரை’ (Lockdown Knockout tournament) நேரடி ஒளிபரப்பு செய்ய இருப்பதாக உலக வில்வித்தை கூட்டமைப்பு தெரிவித்துள்ளது.

கோவிட்-19 பெருந்தொற்றால் உலகம் முழுவதும் பாதிக்கப்பட்டவர்களின் எண்ணிக்கை நாளுக்கு நாள் அதிகரித்துக் கொண்டே வருகிறது. இப்பெருந்தொற்றின் முன்னெச்சரிக்கை நடவடிக்கையாக, உலக நாடுகள் பலவற்றில் ஊரடங்கு உத்தரவு அமல்படுத்தப்பட்டுள்ளது.

இந்நிலையில், உலக வில்வித்தை கூட்டமைப்பு, வில்வித்தைப் போட்டிகளை நடத்த தற்போது புதுவித திட்டத்தைக் கையாண்டுள்ளது. ஆனால், இந்த முறை வில்வித்தை வீரர்களுக்காக இல்லாமல், பொதுமக்கள் தங்களது நேரத்தை செலவிடுவதற்காக, ஆன்லைனில் வில்வித்தை தொடரை நடத்த திட்டமிட்டிருந்தது.

இதில், தற்போது ‘லாக்டவுன் நாக் அவுட் தொடரை’ (Lockdown Knockout tournament) இணையம் வாயிலாக நேரடி ஒளிபரப்பு செய்ய இருப்பதாக உலக வில்வித்தை கூட்டமைப்பு அறிவிப்பு ஒன்றை வெளியிட்டுள்ளது. அதன்படி, இத்தொடரில் விளையாடப்படும் வில்வித்தை போட்டிகளை தங்களது இணையதள பக்கங்களில் நேரடி ஒளிபரப்பு செய்ய இருப்பதாகவும் தெரிவித்துள்ளது.

இது குறித்து உலக வில்வித்தை கூட்டமைப்பு வெளியிட்டுள்ள அறிக்கையில், "லாக்டவுன் நாக் அவுட் தொடரில் நடைபெறும் அனைத்துப் போட்டிகளையும் தங்களது அதிகாரப்பூர்வ யூடியூப், ஃபேஸ்புக் பக்கங்களில் ஒளிபரப்பவுள்ளோம். மேலும், இப்போட்டிகளுடைய மறு ஒளிபரப்புகளை சில அங்கீகாரம் பெற்ற தொலைக்காட்சி வாயிலாக ஒளிபரப்பவுள்ளோம்" என்று தெரிவித்துள்ளது.

• NEWS. @WorldArchery to stream Lockdown Knockout remote #archery tournament 📺🏹🎯 https://t.co/Ss1kTGfQDX pic.twitter.com/d20enmJPhF

  — World Archery (@worldarchery) April 22, 2020 " class="align-text-top noRightClick twitterSection" data="

  NEWS. @WorldArchery to stream Lockdown Knockout remote #archery tournament 📺🏹🎯 https://t.co/Ss1kTGfQDX pic.twitter.com/d20enmJPhF

  — World Archery (@worldarchery) April 22, 2020

  ">

  NEWS. @WorldArchery to stream Lockdown Knockout remote #archery tournament 📺🏹🎯 https://t.co/Ss1kTGfQDX pic.twitter.com/d20enmJPhF

  — World Archery (@worldarchery) April 22, 2020

  
  

ஆன்லைன் வில்வித்தை போட்டிகளின் ‘கிக் ஆஃப்’ சுற்று மே ஒன்றாம் தேதி முதல் நடைபெறவுள்ளதாகவும், இத்தொடரின் காலிறுதிச் சுற்றுகள் மே 9 முதல் 12ஆம் தேதி வரையும், அரையிறுதிச் சுற்றுகள் மே 14, 15ஆம் தேதிகளிலும், இறுதிச்சுற்று மே 17ஆம் தேதி நடைபெறும் என்றும் தெரிவிக்கப்பட்டுள்ளது.

இதையும் படிங்க:‘நாட்டிற்காக பதக்கங்கள் வென்றாலும், ரேஷனுக்காக தவிக்கிறேன்’