புரோ கபடியின் 7ஆவது சீசன் ஹைதராபாத்தில் நடைபெற்றுவருகிறது. இன்று 16ஆவது லீக் போட்டியில் தமிழ் தலைவாஸ் அணியும் பாட்னா பைரட்ஸ் அணியும் மோதின. விறுவிறுப்பாக நடைபெற்ற போட்டியின் முதல் பாதியில் இரண்டு அணிகளும் 11-11 என்ற புள்ளி கணக்கில் சமநிலையில் இருந்தன.
இந்நிலையில் இரண்டாவது பாதியின் தொடக்கத்திலிருந்தே பாட்னா பைரட்ஸ் டிஃபெண்டிங்கில் புள்ளிகளை குவிக்கத்தொடங்கியது. தமிழ் தலைவாஸின் முக்கிய ஆட்டக்காரர்களான அஜய் தாக்கூர் மற்றும் ராகுல் செளத்ரியை பாட்னா அணியினர் டிஃபெண்டிங்கில் பிடித்ததால் பாட்னாவின் புள்ளிகள் உயர்ந்தன.
பின் தமிழ் தலைவாஸ் கடைசி மூன்று நிமிடங்களில் ஆக்கோரஷமாக ஆடியது. இருப்பினும் ஆட்டத்தின் இறுதியில் 24-23 என்ற புள்ளிக் கணக்கில் பாட்னா அணி வென்றது.
இதில் சிறப்பாக விளையாடிய தமிழ் தலைவாஸின் ரைடர் ராகுல் சௌத்ரி 5 புள்ளிகளையும் பாட்னாவின் டிஃபெண்டர் ஜெய்தீப் 7 புள்ளிகளையும் பெற்றனர். இந்த வெற்றியின் மூலம் பாட்னா அணி 11 புள்ளிகளுடன் புள்ளிப்பட்டியலில் 2ஆவது இடத்தை பிடித்துள்ளது
