புரோ கபடி லீக் தொடரின் ஏழாவது சீசனுக்கான போட்டிகள் விறுவிறுப்பாக நடைபெற்று வருகின்றன. இதில், நேற்று நடைபெற்ற லீக் போட்டியில் புனேரி பால்டான் அணி, குஜராத் ஃபார்சூன்ஜெயின்ட்ஸை எதிர்கொண்டது. இதில், முதல் பாதி ஆட்டத்தில் குஜராத் அணி ஆதிக்கம் செலுத்தியது. இதனால் முதல் பாதி முடிவில் குஜராத் 17 -14 என்ற புள்ளிகள் கணக்கில் முன்னிலையில் இருந்தது.
இதைத்தொடர்ந்து, இரண்டாவது பாதியில் புனேரி பல்டான்ஸ் அணி டிஃபென்டிங், ரெய்ட் இரண்டிலும் சிறப்பாக செயல்பட்டதால், ஆட்டம் புனேரி அணியின் பக்கம் மாறியது. இறுதியில் புனேரி பல்டான் அணி 33-31 என்ற புள்ளிகள் கணக்கில் குஜராத் அணியிடம் த்ரில் வெற்றிபெற்றது. இப்போட்டியில் குஜராத் வீரர் சச்சின் அதிகபட்சமாக ஒன்பது புள்ளிகளை பெற்றார்.
இதற்குமுன்னதாக, நடைபெற்ற மற்றொரு லீக் போட்டியில் தபாங் டெல்லி அணி 35-24 என்ற புள்ளிகள் கணக்கில் ஜெய்ப்பூர் பிங் பேந்தர்ஸ் அணியை வீழ்த்தியது.
