சீனாவின் வூஹான் நகரில் தொற்றிய கொவிட்-19 வைரஸ் (கொரோனா வைரஸ்) அந்நாடு முழுவதும் பரவி பெரும் பாதிப்பை ஏற்படுத்தியுள்ளது. இந்த நோயால் இதுவரை 2,715 உயிரிழிந்துள்ளதாகவும், 78 ஆயிரத்திற்கும் மேற்பட்டோர் பாதிப்படைத்துள்ளதாகவும், சீன அரசு தெரிவித்துள்ளது.
இதன் விளைவாக, சீனாவில் நடைபெறவிருந்த பல்வேறு விளையாட்டு போட்டிகள் தள்ளிவைக்கப்பட்டுள்ளன. அந்தவகையில், வரும் மார்ச் 15 முதல் 26வரை டெல்லியில் நடைபெறவுள்ள உலகக்கோப்பை துப்பாக்கிச் சுடுதல் தொடரிலிருந்து சீனா,வடகொரியா, ஹாங்காங், துர்க்மெனிஸ்தான், தைவான், மகாவ் ஆகிய ஆறு நாடுகள் விலகியுள்ளதாக, இந்திய துப்பாக்கிச் சுடுதல் சங்கம் தெரிவித்துள்ளது.
இது குறித்து இந்திய துப்பாக்கிச் சுடுதல் சங்கம் கூறுகையில், "மற்ற நாட்டு வீரர்களுக்கு கொரோனா வைரஸ் தொற்றால் பாதிப்பு ஏற்படாமல் இருக்க சீனா புத்திசாலித்தனமான முடிவை எடுத்துள்ளதாக தெரிவித்துள்ளது. மேற்கூறிய ஆறு நாடுகள் மட்டுமின்றி பாகிஸ்தானும், இந்தத் தொடரிலிருந்து விலகியுள்ளது.
ஒலிம்பிக் தொடரின் பிஸ்டல் பிரிவில் பாகிஸ்தானைச் சேர்ந்த இரண்டு துப்பாக்கிச் சுடுதல் வீரர்கள் தகுதிபெற்றுள்ளனர். அவர்கள் தங்களது புதிய பயிற்சியாளருடன் ஜெர்மனியில் பயிற்சி மேற்கொள்ளவுள்ளதால்தான் இந்த தொடரிலிருந்து விலகியுள்ளதாகவும், இந்திய துப்பாக்கிச் சுடுதல் சங்கம் தெரிவித்துள்ளது.
கடந்தாண்டு புல்வாமா தாக்குதல் காரணமாக டெல்லியில் நடைபெற்ற உலகக்கோப்பை துப்பாக்கிச் சுடுதல் தொடரில் பங்கேற்க பாகிஸ்தான் வீரர்களுக்கு இந்திய அரசு விசா வழங்க மறுத்தது கவனத்துக்குரியது.
இதையும் படிங்க: கொரோனாவால் தடை செய்யப்படுமா ஒலிம்பிக்?
