28-வது சுல்தான் அஸ்லான் ஷா கோப்பை ஹாக்கி தொடர் மலேசியாவில் நாளை தொடங்குகிறது. இந்த தொடரில் ஆறு நாடுகள் பங்கேற்கும் நிலையில், இந்திய அணி தனது முதல் போட்டியில் ஜப்பானை எதிர்கொள்கிறது.
இந்தியாவைப் பொறுத்தவரையில், பல முன்னணி வீரர்கள் காயத்தால் வெளியேறிய நிலையில் இளம் அணியுடன் களமிறங்குகிறது. மேலும், அனுபவ வீரர் குர்ஜந்த் சிங் பயிற்சி ஆட்டத்தில் ஏற்பட்ட காயத்தால் இந்திய அணிக்கு பின்னடைவு ஏற்பட்டுள்ளது. அவருக்கு பதிலாக குர்ஷகிபித் சிங் மாற்று வீரராக களமிறங்கவுள்ளார்.
மலேசியா, ஜப்பான், கொரியா ஆகிய அணிகளுடன் விளையாடுகையில் சிறப்பான ஆட்டத்தை வெளிபடுத்த வேண்டும் என அணியின் கேப்டன் மன்பிரீத் சிங் தெரிவித்துள்ளார்.
