இங்கிலாந்தின் பிரபல கால்பந்து தொடரான இங்கிலீஷ் பிரீமியர் லீக் தற்போது இறுதிகட்டத்தை எட்டியுள்ளது. இன்று (மார்ச் 15) நடைபெற்ற லீக் போட்டியில் மான்செஸ்டர் யுனைடெட் அணி, வெஸ்ட் ஹாம் அணியுடன் மோதியது.
போட்டி தொடங்கியது முதலே இரு அணிகளும் சமமான தடுப்பாட்டத்தை வெளிப்படுத்தி கோலடிக்கும் முயற்சிகளைத் தடுத்தது. இதனால் முதல் பாதி ஆட்டநேர முடிவில் இரு அணிகளும் கோலேதுமின்றி சமநிலையில் இருந்தன.
தொடர்ந்து நடைபெற்ற இரண்டாம் பாதி ஆட்டத்தில், சிறப்பான ஆட்டத்தை வெளிப்படுத்திய மான்செஸ்டர் யுனைடெட் அணிக்கு கிராக் டௌசன் 53ஆவது நிமிடத்தில் கோலடித்து வலு சேர்த்தார். இதில் இறுதிவரை போராடிய வெஸ்ட் ஹாம் அணியால் எதிரணியின் தடுப்பாட்டத்தைச் சமாளித்து கோலடிக்க முடியவில்லை.
இதன்மூலம் ஆட்டநேர முடிவில் மான்செஸ்டர் யுனைடெட் அணி 1-0 என்ற கோல் கணக்கில் வெஸ்ட் ஹாம் அணியை வீழ்த்தி வெற்றிபெற்றது. இந்த வெற்றியின் மூலம், இபிஎல் புள்ளிப்பட்டியலில் 57 புள்ளிகளைப் பெற்று மான்செஸ்டர் யுனைடெட் அணி இரண்டாம் இடத்திற்கு முன்னேறியது.
இதையும் படிங்க: SLvsWI: இலங்கையை ஒயிட் வாஷ் செய்து தொடரைக் கைப்பற்றியது வெஸ்ட் இண்டீஸ்!
