ஹைதராபாத்: இந்தியன் பிரீமியர் லீக்கின் 2022ஆம் ஆண்டு தொடரில் பஞ்சாப் கிங்ஸ் அணியின் கேப்டனாக தொடக்க ஆட்டக்காரர் மயங்க் அகர்வால் நியமனம் செய்யப்பட்டார். இதுகுறித்து அகர்வால் கூறுகையில், இந்தப் பொறுப்பை மிகுந்த நேர்மையுடன் ஏற்றுக்கொள்கிறேன். பஞ்சாப் கிங்ஸ் அணியில் அனுபவமிக்க வீரர்கள் உள்ளனர். இதனால் அணியை எளிதாக வழிநடத்த முடியும் என்று நம்புகிறேன்.
இந்தாண்டு ஐபிஎல் கோப்பையை கைப்பற்றும் இலக்கை நோக்கி, பஞ்சாப் அணியை வழிநடத்தும் பொறுப்பை என்னிடம் ஒப்படைத்ததற்காக, உரிமையார்களுக்கு நன்றியை தெரிவிக்கிறேன் என்றார். அகர்வால், இந்தியாவிற்காக 19 டெஸ்ட், 5 ஒருநாள் போட்டிகளில் 4 சதங்கள் உள்பட 1,429 ரன்களை எடுத்துள்ளார். 2011ஆம் ஆண்டு ஐபிஎல் தொடரில் பஞ்சாப் கிங்ஸ் அணியில் அறிமுகமானார் என்பது குறிப்பிடத்தக்கது.
பஞ்சாப் கிங்ஸ் அணி 2014ஆம் ஆண்டு ஐபிஎல் தொடர் மட்டுமே இறுதிப் போட்டிக்கு சென்றது. கடந்த மூன்று தொடர்களில் ஆறாவது இடத்தைப் பிடித்தது. ஐபிஎல் 2022 சீசன் மார்ச் 26ஆம் தேதி தொடங்கி மே 29ஆம் தேதி முடிகிறது. மொத்தம் 70 லீக் போட்டிகள் மும்பை, புனேவில் உள்ள சர்வதேச தர மைதானங்களில் நடக்கிறது.
குரூப் ஏ: மும்பை இந்தியன்ஸ், டெல்லி கேப்பிட்டல்ஸ், கொல்கத்தா நைட் ரைடர்ஸ், ராஜஸ்தான் ராயல்ஸ், லக்னோ சூப்பர் ஜெயண்ட்ஸ் குரூப் பி: சென்னை சூப்பர் கிங்ஸ், சன்ரைசஸ் ஹைதராபாத், ராயல் சேலஞ்சர்ஸ் பெங்களூர், பஞ்சாப் கிங்ஸ், குஜராத் டைட்டன்ஸ்.
இதையும் படிங்க: ஐபிஎல் 2022: மும்பை, புனேவில் மட்டுமே லீக் ஆட்டங்கள்
