2019ஆம் ஆண்டுக்கான ஐபிஎல் டி20 கிரிக்கெட் போட்டிகள் நடைபெற்று வருகிறது. இதைத்தொடர்ந்து, ராஜஸ்தான் ராயல்ஸ் - கிங்ஸ் லெவன் பஞ்சாப் அணிகளுக்கு இடையிலான போட்டி ஜெய்ப்பூரில் தொடங்கியது. இதில், டாஸ் வென்ற ராஜஸ்தான் அணியின் கேப்டன் ரஹானே முதலில் பந்துவீச தீர்மானித்துள்ளார். இந்தப் போட்டியின் பஞ்சாப் வீரர் சாம் கரண் ஐபிஎல் கிரிக்கெட்டில் அறிமுகமாகியுள்ளார்.
ஆஸ்திரேலிய வீரர் ஸ்டீவ் ஸ்மித் மீண்டும் ராஜஸ்தான் அணிக்கு அணிக்கு திரும்பியது, அந்த அணியின் பேட்டிங் மற்றும் ஃபீல்டிங்கை பலப்படுத்தியுள்ளது. அந்த அணியில் ஜாஸ் பட்லர் நல்ல ஃபார்மில் இருந்தாலும், ரஹானே மோசமான ஃபார்மில் இருப்பது, அந்த அணியின் ஆட்டத்திறன் மீது சற்று சந்தேகத்தை எழுப்பியுள்ளது.
மறுமுனையில் கடந்த சீசனின் முதல் ஆறு போட்டிகளில் ஐந்தில் வெற்றிபெற்ற, பஞ்சாப் அணி அடுத்த எட்டு போட்டிகளில் ஒன்றில் மட்டுமே வெற்றிபெற்றுது. இப்படி பஞ்சாப் அணியின் ஃபார்ம் தலைகீழாக மாறியதற்கு முக்கிய காரணம் அஷ்வின். கேப்டன் என்ற பெயரில் இவர் தேவையில்லாத மாற்றங்களை கொண்டு வந்ததோடு மட்டுமின்றி, மூன்றாவது, நான்காவது வீரராக களமிறங்கினார். இதன் விளைவுதான் பஞ்சாப் அந்த அணி கடந்த சீசனில் இருந்து வெளியேறியது.
இவ்விரு அணிகள் இதுவரை ஐபிஎல் போட்டிகளில் 17முறை நேருக்கு நேர் மோதியுள்ளனர். அதில், ராஜஸ்தான் அணி 10 முறையும், பஞ்சாப் அணி 7 முறையும் வெற்றிபெற்றுள்ளன.
பஞ்சாப் அணி விவரம்: கிறிஸ் கெயில், கே.எல்.ராகுல், மயங்க் அகர்வால், நிகோலஸ் பூரான், சர்ஃப்ராஸ் கான், மந்தீப் சிங், சாம் கரண், அஷ்வின் (கேப்டன்), முஜீப் உர் ரஹ்மான், அன்கீட் ராஜ்பூட், முகமது ஷமி.
ராஜஸ்தான் அணி விவரம்: ராஹானே, ஸ்டீவ் ஸ்மித், ஜாஸ் பட்லர், பென் ஸ்டோக்ஸ், சஞ்சு சாம்சன், ஸ்ரெயஸ் கோபால், ராகுல் திரிபாதி, ஜோவ்ரே ஆர்ச்சர், ஜெய்தேவ் உனாத்கட், தவால் குல்கர்னி.
இந்த ஐபிஎல் சீசனில் தமிழக வீரர் வருண் சக்ரவர்த்தியை ரூ.8 கோடியே 40 லட்சத்திற்கு ஏலத்தில் எடுத்த பஞ்சாப் அணி, இந்தப் போட்டியில் தேர்ந்தெடுக்காதது பல்வேறு கேள்வியை எழுப்பியுள்ளது.
