Ind Vs Ban live update: கோலி சதம்.. 7 விக்கெட்கள் வித்தியாசத்தில் இந்திய அணி வெற்றி! - இந்தியா வங்கதேசம் உலக கோப்பை கிரிக்கெட்

41.3 ஓவர்கள் முடிவில், இந்திய அணி 261 ரன்கள் எடுத்து, 7 விக்கெட்கள் வித்தியாசத்தில் வங்கதேசம் அணியை வீழ்த்தியுள்ளது.

சிறப்பாக விளையாடி வந்த விராட் கோலி சதம் விளாசி அசத்தியுள்ளார்.

இந்திய அணி 36 ஓவர்களுக்கு 3 விக்கெட்கள் இழப்பிற்கு 209 ரன்கள் எடுத்த நிலையில், வெற்றிக்கு இன்னும் 48 ரன்கள் தேவையாகயுள்ளது.

31 ஓவர்கள் முடிவில் இந்திய அணி 3 விக்கெட்கள் இழப்பிற்கு 188 ரன்கள் சேர்த்துள்ளது. விராட் கோலி 59 ரன்களுடனும், கே.எல்.ராகுல் 6 ரன்களுடனும் களத்தில் நின்று விளையாடி வருகின்றனர்.

இந்திய அணியின் வீரர் ஷ்ரேயாஸ் ஐயர், மெஹிதி ஹசன் பந்து வீச்சில் மஹ்முதுல்லாஹ்விடம் கேட்ச் கொடுத்து அவுட் ஆகியுள்ளார். அவர் 25 பந்துகளில் 19 ரன்கள் சேர்த்துள்ளார்.

தொடக்க வீரர் ரோஹித் சர்மாவின் விக்கெட்டுக்கு பிறகு களம் வந்த விராட் கோலி சிறப்பாக விளையாடி அரைசதம் அடித்துள்ளார்.

இந்திய அணி 26 ஓவர்கள் முடிவில், 2 விக்கெட்கள் இழப்பிற்கு 164 ரன்கள் எடுத்துள்ள நிலையில், வெற்றி பெற இன்னும் 93 ரன்கள் மட்டுமே தேவையாக உள்ளது.

23 ஓவர்கள் முடிவில், இந்திய அணி 2 விக்கெட்கள் இழப்பிற்கு 150 ரன்கள் எடுத்துள்ளது. விராட் கோலி 38 ரன்களுடனும், ஷ்ரேயாஸ் ஐயர் 9 ரன்களுடனும் களத்தில் நின்று விளையாடி வருகின்றனர்.

தொடக்கம் முதல் சிறப்பாக ஆடி அரைசதம் விளாசிய சுப்மன் கில், 53 ரன்கள் எடுத்த நிலையில், ஆட்டமிழந்துள்ளார்.

இந்திய அணியின் தொடக்க வீரரான சுப்மன் கில் அரைசதம் விளாசியுள்ளார்.

18 ஓவர்கள் முடிவில் இந்திய அணி 1 விக்கெட் இழப்பிற்கு 125 ரன்கள் குவித்துள்ளது. சுப்மன் கில் 49 ரன்களுடனும், விராட் கோலி 26 ரன்களுடனும் களத்தில் நின்று விளையாடி வருகின்றனர்.

தொடக்கம் முதல் சிறப்பாக விளையாடி வந்த ரோஹித் சர்மா அரைசதம் விளாசுவார் என எதிர்ப்பார்த்த நிலையில், 48 ரன்களுக்கு ஆட்டமிழந்துள்ளார்.

12 ஓவர்கள் முடிவில், இந்திய அணி விக்கெட் இழப்பின்றி 80 ரன்கள் குவித்துள்ளது. ரோஹித் சர்மா 41 ரன்களுடனும், சுப்மன் கில் 39 ரன்களுடனும் களத்தில் நின்று விளையாடி வருகின்றன்ர்.

257 ரன்கள் எடுத்தால் வெற்றி என்ற இலக்குடன் களம் இறங்கிய இந்திய அணி, 5 ஓவர்கள் முடிவில் விக்கெட் இழப்பின்றி 33 ரன்கள் எடுத்துள்ளது.

3 ஓவர்கள் முடிவில், இந்திய அணி விக்கெட் இழப்பின்றி 26 ரன்கள் சேர்த்துள்ளது.

257 ரன்கள் எடுத்தால் வெற்றி என்ற இலக்குடன் களம் இறங்கி உள்ளது இந்திய அணி. தொடக்க வீரர்களாக ரோஹித் சர்மா மற்றும் சுப்மன் கில் விளையாடி வருகின்றனர்.

இந்தியாவுக்கு எதிரான ஆட்டத்தில் முதலில் பேட்டிங் செய்த வங்கதேசம் அணி 50 ஓவர்கள் முடிவில் 8 விக்கெட்கள் இழப்பிற்கு 256 ரன்கள் சேர்த்துள்ளது.

போட்டியின் 47வது ஓவரை வீசிய முகமது சிராஜ், நாசூம் அகமது விக்கெட்டை வீழ்த்தியுள்ளார்.

பும்ரா வீசிய 43 ஓவரில், வங்கதேச அணியின் வீரர் முஷ்பிகுர் ரஹீம் ஜடேஜாவிடம் கேட்ச் கொடுத்து அவுட் ஆனார். அவர் 46 பந்துகளில் 38 ரன்களை சேர்த்திருந்தார்.

போட்டியின் 42.1 ஓவர்கள் முடிவில், வங்கதேசம் அணி 5 விக்கெட்கள் இழப்பிற்கு 200 ரன்களை சேர்த்துள்ளது.

40 ஓவர்கள் முடிவில் வங்கதேசம் அணி 5 விக்கெட்கள் இழப்பிற்கு 189 ரன்களை சேர்த்துள்ளது. முஷ்பிகுர் ரஹீம் 34 ரன்களுடனும், மஹ்முதுல்லாஹ் 6 ரன்களுடனும் களத்தில் நின்று விளையாடி வருகின்றனர்.

137 ரன்களுக்கு 4 விக்கெட்களை இழந்த வங்கதேசம் அணி, அதன் பின் நிதானமாக விளையாடி ரன்கள் சேர்த்த நிலையில், தனது 5வது விக்கெட்டை இழந்துள்ளது. டவ்ஹித் ஹ்ரிடோய் 16 ரன்களுக்கு ஆட்டழந்து வெளியேறியுள்ளார்.

34 ஓவர்கள் முடிவில், வங்கதேசம் அணி 4 விக்கெட்கள் இழப்பிற்கு 164 ரன்கள் சேர்த்துள்ளது. முஷ்பிகுர் ரஹீம் 20 ரன்களுடனும், டவ்ஹித் ஹ்ரிடோய் 12 ரன்களுடனும் களத்தில் நின்று விளையாடி வருகின்றனர்.

29 ஓவர்கள் முடிவில், வங்கதேசம் அணி 4 விக்கெட்கள் இழப்பிற்கு 140 ரன்கள் சேர்த்துள்ளது.

தொடக்கம் முதல் சிறப்பாக விளையாடி வந்த லிட்டன் தாஸ் 66 ரன்கள் எடுத்த நிலையில், ஜடேஜா பந்து வீச்சில் ஆட்டமிழந்துள்ளார்.

போட்டியின் 24.1வது ஓவரில் வங்கதேசம் அணி தனது மூன்றாவது விக்கெட்டாக மெஹிதி ஹசன் மிராஸை இழந்துள்ளது. இந்த விக்கெட்டை முகமது சிராஜ் கைப்பற்றியுள்ளார்.

22 ஓவர்கள் முடிவில், வங்கதேசம் அணி 114 ரன்கள் சேர்த்துள்ளது. லிட்டன் தாஸ் 51 ரன்களுடனும், மெஹிதி ஹசன் மிராஸ் 1 ரன்னுடனும் களத்தில் நின்று விளையாடி வருகின்றனர்.

தொடக்கம் முதலே சிறப்பான ஆட்டத்தை வெளிபடுத்தி வரும் லிட்டன் தாஸ், அரைசதம் விளாசியுள்ளார்.

போட்டியின் 20வது ஓவரை வீசிய ஜடேஜா, அந்த ஓவரின் கடைசி பந்தில் நஜ்மல் உசேன் சாந்தா விக்கெட்டை கைப்பற்றியுள்ளார்.

போட்டியின் 18 ஓவர்கள் முடிவில், வங்கதேசம் அணி 1 விக்கெட் இழப்பிற்கு 103 ரன்கள் சேர்த்துள்ளது.

தொடக்க வீரர் தன்சித் ஹசன் 51 ரன்கள் எடுத்த நிலையில், குல்தீப் யாதவ் பந்து வீச்சில் ஆட்டமிழந்துள்ளார்.

தொடக்க முதல் சிறப்பாக விளையாடி வந்த தன்சித் ஹசன் அரைசதம் விளாசியுள்ளார். இது சர்வதேச ஒருநாள் கிரிக்கெட் போட்டிகளில் அவரது முதல் அரைசதம் ஆகும்.

12 ஓவர்கள் முடிவில் 72 ரன்கள் எடுத்துள்ள வங்கதேசம் அணி, இதுவரை 8 ஃபோர்கள், 3 சிக்ஸர்களை விளாசியுள்ளனர்.

10 ஓவர்கள் முடிவில் வங்கதேசம் அணி விக்கெட் இழப்பின்றி 63 ரன்கள் குவித்துள்ளது. லிட்டன் தாஸ் 21 ரன்களுடனும், தன்சித் ஹசன் 40 ரன்களுடனும் களத்தில் நின்று விளையாடி வருகின்றனர்.

9வது ஓவரை வீச வந்த ஹர்திக் பாண்டியாவுக்கு காலில் காயம் ஏற்பட்டதால், அவர் மைதானத்தில் இருந்து வெளியேறியுள்ள நிலையில், அவருக்கு பதிலாக விராட் கோலி அந்த ஓவரை வீசினார். 9 ஓவர்கள் முடிவில், வங்கதேசம் அணி விக்கெட் இழப்பின்றி 47 ரன்கள் எடுத்துள்ளது.

8 ஓவர்கள் முடிவில் வங்கதேசம் அணி விக்கெட் இழப்பின்றி 37 ரன்கள் சேர்த்துள்ளது.

வங்கதேசம் அணி 6 ஓவர்கள் முடிவில் 19 ரன்கள் எடுத்து உள்ளது.

வங்கதேசம் அணி 5 ஓவர்கள் முடிவில் விக்கெட் இழப்பின்றி 10 ரன்கள் எடுத்து உள்ளது. தன்சித் ஹசன் 16 பந்துகளில் 9 ரன்னும், லிட்டன் தாஸ் 1 ரன்னும் எடுத்து உள்ளார்.

4வது ஓவரை வீசிய மற்றொரு வேகப்பந்து வீச்சாளர் முகமது சிராஜ் ரன் ஏதும் விட்டுக் கொடுக்காமல் மெய்டன் ஓவராக மாற்றினார்.

3வது ஓவரை வீசிய இந்திய வீரர் பும்ரா ஒரு ரன் கூட விட்டுக் கொடுக்காமல் வங்கதேசம் வீரர்களுக்கு கடும் நெருக்கடி கொடுத்தார்.

2 ஓவர்கள் முடிவில் வங்கதேசம் அணி 5 ரன்கள் எடுத்து உள்ளது.

வங்கதேசம் அணி முதல் ஓவரில் 1 ரன் மட்டும் குவித்து உள்ளது. முதல் ஓவரை வீசிய பும்ரா கட்டுக்கோப்பாக வீசி ஒரு ரன் மட்டும் விட்டுக் கொடுத்தார்.

புனே : வங்கதேசம் அணிக்கு எதிரான ஆட்டத்திலும் வேகப்பந்து வீச்சாளர் முகமது ஷமி, சுழற்பந்து வீச்சாளர் ரவிச்சந்திரன் அஸ்வின் ஆகியோருக்கு இந்திய அணியில் இடம் அளிக்கவில்லை.

இந்தியா : ரோகித் சர்மா (கேப்டன்), சுப்மான் கில், விராட் கோலி, ஷ்ரேயாஸ் ஐயர், கே.எல். ராகுல் (விக்கெட் கீப்பர்), ஹர்திக் பாண்டியா, ரவீந்திர ஜடேஜா, ஷர்துல் தாக்கூர், ஜஸ்பிரித் பும்ரா, குல்தீப் யாதவ், முகமது சிராஜ்.

வங்கதேசம் : லிட்டன் தாஸ், தன்சித் ஹசன், நஜ்முல் ஹொசைன் சாண்டோ (கேப்டன்), மெஹிதி ஹசன் மிராஸ், முஷ்பிகுர் ரஹீம் (விக்கெட் கீப்பர்), தவ்ஹித் ஹிரிடோய், மஹ்முதுல்லா, நசும் அகமது, ஹசன் மஹ்மூத், முஸ்தாபிசுர் ரஹ்மான், ஷோரிபுல் இஸ்லாம்.

புனே : வங்கதேசம் அணியின் கேப்டன் ஷகிப் அல் ஹசன் டாஸ் வென்று பேட்டிங்கை தேர்வு செய்து உள்ளார்.