ஆப்பிரிக்க நாடுகளில் உள்ள அணிகளுக்கு இடையேயான கிவிபுக்கா மகளிர் டி20 கிரிக்கெட் தொடர் நடைபெற்றுவருகிறது. இந்நிலையில், 18ஆம் தேதி நடைபெற்ற போட்டியில் கிழக்கு ஆப்பிரிக்கா அணியான ரிவாண்டன் அணியும், மேற்கு ஆப்பிரிக்க அணியான மாலி அணியும் மோதின.
இப்போட்டியில் முதலில் களமிறங்கிய மாலி அணி 9 ஓவர்களில் அனைத்து விக்கெட்டுகளையும் இழந்து 6 ரன்களுக்கு ஆட்டமிழந்தது. தொடக்க வீராங்கனை எடுத்த 1 ரன்னைத் தவிர மற்ற 5 ரன்களும் உதிரிகளாக கிடைத்தது. இதைத் தொடர்ந்து களமிறங்கிய ரிவாண்டா அணி 4 பந்துகளில் வெற்றி பெற்றது.
மாலி அணி 6 ரன்களில் ஆட்டமிழந்ததே டி20 போட்டியில் எடுக்கப்பட்ட குறைந்தபட்ச ஸ்கோராகும். முன்னதாக கடந்த ஜனவரி மாதம் ஐக்கிய அரபு அமீரக மகளிர் அணிக்கு எதிராக சீன மகளிர் அணி 14 ரன்கள் எடுத்ததே குறைந்தபட்ச ஸ்கோராக இருந்தது.
