2018ஆம் ஆண்டு ஐசிசி பெண்கள் கிரிக்கெட் கூட்டத்தில் இந்திய மகளிர் கிரிக்கெட் அணியின் முன்னாள் கேப்டன் மிதாலி ராஜ் பேசும்போது, பெண்கள் கிரிக்கெட் வளர்ச்சி பற்றிய முக்கிய கருத்துகளை பகிர்ந்துகொண்டார். அதில், ’’2017ஆம் ஆண்டு மகளிர் உலகக்கோப்பைக்கு பிறகு இந்தியாவில் மகளிர் கிரிக்கெட் ஒரு எனர்ஜியை உருவாக்கியுள்ளது. இது மகளிர் கிரிக்கெட்டிற்கு மிகச்சிறந்த தருணம்.
இனி மகளிர் கிரிக்கெட்டை யாராலும் புறந்தள்ள முடியாத நிலை ஏற்பட்டுள்ளது. கிரிக்கெட் குறித்த பேச்சு ஆடவர் கிரிக்கெட்டோடு நின்றுவிடாமல், ஆண் ரசிகர்களோடு நின்றுவிடாமல் பெண்களிடமும் சென்றுள்ளது. ஒவ்வொரு சாமானியரும் மகளிர் கிரிக்கெட் குறித்து தெரிந்துகொள்கிறார்கள், பார்த்து வருகிறார்கள். கடந்த சில ஆண்டுகளாக ஒவ்வொரு போட்டிக்கும் பார்வையாளர்கள் அதிகமாகியுள்ளனர். இதனை நாம் தொடர்ந்து செய்யவேண்டும்’’ என்றார்.
இந்த தசாப்தத்தில் மகளிர் கிரிக்கெட் குறித்து பார்க்கையில், மகளிர் கிரிக்கெட்டை ஒளிபரப்புவது அதிகமாகியுள்ளது, நட்சத்திர வீரர்களுக்கான ஊதியங்களும் ஒப்பந்தங்களும் அதிகரித்துள்ளன. மைதானத்திற்கு வரும் ரசிகர்களின் எண்ணிக்கை இந்தியா, ஆஸ்திரேலியா, நியூசிலாந்து, இங்கிலாந்து ஆகிய நாடுகளில் பெரும் முன்னேற்றமடைந்துள்ளது.
தற்போது மகளிர் கிரிக்கெட்டை பின்பற்றுபவர்களுக்கு ஏமாற்றத்தையளிக்கும் விஷயங்கள் என்னவென்றால், மகளிர் கிரிக்கெட்டில் டெஸ்ட் போட்டிகள் ஆடாதது மட்டுமே. ஆனால் மகளிர் கிரிக்கெட் குறுகிய போட்டிகளில் ஒரு புதிய பாதையை உருவாக்கியுள்ளது. அந்தப் பாதையில் மிகத் தெளிவாகவும், வெற்றிகரமாகவும் பயணிக்கிறது. 2017ஆம் ஆண்டு இங்கிலாந்தில் நடந்த டி20 மகளிர் உலகக்கோப்பைக் கிரிக்கெட் மற்றும் 2018ஆம் ஆண்டு கரீபியனில் நடந்த ஸ்டாண்ட் அலோன் (standalone) டி20 உலகக்கோப்பையும் மக்களிடையே பெரும் வரவேற்பை பெற்றது.
அணிகளின் முன்னேற்றம்:
ஐசிசி தொடர்களைப் பார்க்கையில் இந்த 10 ஆண்டுகளில் 7 உலகக்கோப்பைத் தொடர் நடந்துள்ளது. அதில் ஆஸ்திரேலியா அணி 6 முறை இறுதிப் போட்டிகளுக்கு சென்றது, அந்த 6 போட்டிகளில் 5 முறை வெற்றியும் பெற்று கோப்பையைக் கைப்பற்றி விஸ்வரூபம் எடுத்துள்ளது. ஆனால் ஆஸ்திரேலிய அணி 2017ஆம் ஆண்டு நடந்த சம்மிட் க்ளாஷில் இறுதிக்கு தகுதிபெறவில்லை. அந்தப் போட்டியில் இந்திய வீராங்கனை ஹர்மன்ப்ரீத் கவுர் ஆடிய ஆட்டம் இந்த தசாப்தத்தில் ஆடப்பட்ட மிகச்சிறந்த ஆட்டம். அந்த ஆட்டம்தான் 2018ஆம் ஆண்டு நடந்த டி20 உலகக்கோப்பைத் தொடருக்கு ஏற்பட்ட எதிர்பார்ப்புக்கு பெரும் வித்திட்டது. அந்த உலகக்கோப்பையில் கிடைத்த வரவேற்பால்தான் மகளிர் கிரிக்கெட்டின் உள்கட்டுமான அமைப்புகள் மாற்றம் காணத் தொடங்கின. இந்திய வீராங்கனை ஸ்மிருதி மந்தனா இந்திய ரசிகர்களிடையே நட்சத்திரமாக வலம் வந்துகொண்டிருக்கிறார்.
அதையடுத்து நடந்த முக்கிய ஆட்டம் என்னவென்றால், 2017ஆம் ஆண்டு நடந்த 50 ஓவர் உலகக்கோப்பையில் இந்திய அணி இறுதிப்போட்டி வரை சென்றது. இவையனைத்தையும் கடந்து இந்தியாவில் மகளிர் கிரிக்கெட்டிற்கும் ஐபிஎல் போன்று மகளிர் டி20 கிரிக்கெட் சேலஞ்ச் தொடர் நடைபெற்றது. அதில் தொடரின்போது தொடர்ந்து ரசிகர்கள் மைதானங்களுக்கு வருகை தந்து ஆதரவு கொடுத்தது தான் இந்தியாவில் மகளிர் கிரிக்கெட்டிற்கு ஏற்பட்ட முக்கிய மாற்றம்.
உலகக்கோப்பை குறித்த விவரங்கள்:
| 2010 டி20 உலகக்கோப்பை | ஆஸ்திரேலியா |
| 2012 டி20 உலகக்கோப்பை | ஆஸ்திரேலியா |
| 2013 50 ஓவர் உலகக்கோப்பை | ஆஸ்திரேலியா |
| 2014 டி20 உலகக்கோப்பை | ஆஸ்திரேலியா |
| 2016 டி20 உலகக்கோப்பை | வெஸ்ட் இண்டீஸ் |
| 2017 50 ஓவர் உலகக்கோப்பை | இங்கிலாந்து |
| 2018 டி20 உலகக்கோப்பை (Standalone) | ஆஸ்திரேலியா |
இந்த 10 ஆண்டுகளில் அதிக வெற்றிகளைப் பெற்ற மகளிர் கிரிக்கெட் அணி:
| அணி | ஆட்டம் | வெற்றி | தோல்வி | சதவிகிதம் |
| ஆஸ்திரேலியா | 97 | 81 | 14 | 5.785 |
| இங்கிலாந்து | 110 | 73 | 34 | 2.147 |
| இந்தியா | 99 | 61 | 38 | 1.605 |
| தென் ஆப்பிரிக்கா | 115 | 61 | 48 | 1.270 |
| வெஸ்ட் இண்டீஸ் | 105 | 50 | 52 | 0.9 |
| நியூசிலாந்து | 103 | 46 | 56 | 0.8 |
| பாகிஸ்தான் | 94 | 35 | 56 | 0.625 |
| இலங்கை | 93 | 19 | 70 | 0.2 |
இந்த தசாப்தத்தில் அதிக ரன்கள் அடித்த மகளிர் கிர்க்கெட் நட்சத்திங்கள்:
இந்த 10 ஆண்டுகளில் மகளிர் கிரிக்கெட் பேட்டிங்கில் ஒட்டுமொத்தமாக ஆதிக்கம் செலுத்தியது யாரென்றால் அது இந்திய வீராங்கனை மிதாலி ராஜ்தான். 20 ஆண்டுகளாக இந்திய கிரிக்கெட் அணியில் ஆடிவரும் மிதாலியின் ரன்வேட்கை இன்று வரை குறையவேயில்லை. இந்த 10 ஆண்டுகளில் மிதாலி 25 அரைசதங்களையும், 5 சதங்களையும் விளாசியுள்ளார். இவரைத் தொடர்ந்து ஸ்டிஃபானி டெய்லர், நியூசிலாந்தின் சுஷி பேட்ஸ் ஆஅகியோர் அதிக ரன்கள் அடித்த பட்டியலில் இடம்பிடித்துள்ளனர்.
| பெயர் | ஆட்டங்கள் | ரன்கள் | அதிகபட்சம் | ஆவரேஜ் | 100 | 50 |
| ஸ்டஃபானி டெய்லர் | 99 | 3993 | 171 | 45.89 | 4 | 32 |
| மெக் லான்னிங் | 80 | 3693 | 152 | 52.75 | 13 | 14 |
| சுஷி பேட்ஸ் | 91 | 3621 | 151 | 45.26 | 8 | 23 |
| மிதாலி ராஜ் | 86 | 3339 | 125 | 54.73 | 5 | 25 |
| ஆமி சட்டர்வெய்ட் | 90 | 3296 | 137 | 42.80 | 6 | 19 |
இந்த தசாப்தத்தில் அதிக விக்கெட்டுகள் வீழ்த்திய மகளிர் கிரிக்கெட்டர்கள்:
| பெயர் | ஆட்டங்கள் | விக்கெட்டுகள் | அதிகபட்சம் | ஆவரேஜ் |
| அனிஷா முகமது | 89 | 129 | 7/14 | 19.31 |
| ஷப்னம் இஸ்மாயில் | 80 | 123 | 6/10 | 32.00 |
| சனா மிர் | 88 | 120 | 5/32 | 23.70 |
| மாரிஷேன் கேப் | 99 | 118 | 4/14 | 23.51 |
| டேன் வான் | 89 | 117 | 5/17 | 19.96 |
இதையும் படிங்க: 2019 Football: மெஸ்ஸி, இந்தியன் ஃபிபா தாத்தா, என ரசிகர்களின் உணர்வுகள் நிரம்பிய தருணங்கள்!
