மீண்டும் இந்திய அணிக்கு திரும்பிய மூன்று வீரர்கள்!

தென் ஆப்பிரிக்காவுக்கு எதிராக நாளை தொடங்கவிருக்கும் முதல் டெஸ்ட் போட்டிக்கான இந்திய அணியில் ரோஹித் ஷர்மா, அஸ்வின், சஹா ஆகியோருக்கு வாய்ப்பு வழங்கப்பட்டுள்ளது.

இந்தியாவில் சுற்றுப்பயணம் மேற்கொண்டுள்ள தென் ஆப்பிரிக்க அணி மூன்று டி20, மூன்று டெஸ்ட் போட்டிகள் கொண்ட தொடரில் விளையாடிவருகிறது. இதில், டி20 தொடர் 1-1 என்ற கணக்கில் சமனில் முடிந்த நிலையில், இவ்விரு அணிகளுக்கு இடையிலான முதல் டெஸ்ட் போட்டி நாளை விசாகப்பட்டினத்தில் தொடங்கவுள்ளது.

இந்நிலையில், நாளைய போட்டியில் விளையாடும் 11 வீரர்கள் கொண்ட இந்திய அணியை பிசிசிஐ அறிவித்துள்ளது. அதில் ரோஹித் ஷர்மா, அஸ்வின், சஹா ஆகியோர் அணியில் இடம்பிடித்துள்ளனர். முன்னதாக, இவர்கள் (அஸ்வின், ரோஹித் ஷர்மா, சஹா) வெஸ்ட் இண்டீஸ் அணிக்கு எதிரான டெஸ்ட் தொடரில் இடம்பெற்றிருந்தும் விளையாடும் அணியில் தேர்வாகவில்லை.

• #TeamIndia for 1st Test of @Paytm Freedom Series for Gandhi-Mandela Trophy against South Africa.
  
  Virat Kohli (Capt), Ajinkya Rahane (vc), Rohit Sharma, Mayank Agarwal, Cheteshwar Pujara, Hanuma Vihari, R Ashwin, R Jadeja, Wriddhiman Saha (wk), Ishant Sharma, Md Shami#INDvSA

  — BCCI (@BCCI) October 1, 2019 " class="align-text-top noRightClick twitterSection" data="

  #TeamIndia for 1st Test of @Paytm Freedom Series for Gandhi-Mandela Trophy against South Africa.
  
  Virat Kohli (Capt), Ajinkya Rahane (vc), Rohit Sharma, Mayank Agarwal, Cheteshwar Pujara, Hanuma Vihari, R Ashwin, R Jadeja, Wriddhiman Saha (wk), Ishant Sharma, Md Shami#INDvSA

  — BCCI (@BCCI) October 1, 2019

  ">

  #TeamIndia for 1st Test of @Paytm Freedom Series for Gandhi-Mandela Trophy against South Africa.
  
  Virat Kohli (Capt), Ajinkya Rahane (vc), Rohit Sharma, Mayank Agarwal, Cheteshwar Pujara, Hanuma Vihari, R Ashwin, R Jadeja, Wriddhiman Saha (wk), Ishant Sharma, Md Shami#INDvSA

  — BCCI (@BCCI) October 1, 2019

சமீபகாலமாக, தொடக்க வரிசையில் கே.எல். ராகுல், விக்கெட் கீப்பிங்கில் ரிஷப் பந்த் ஆகியோர் சொதப்பியதால், அவர்களுக்கு பதிலாக இம்முறை ரோஹித் ஷர்மா, சஹா ஆகியோருக்கு வாய்ப்பு வழங்கப்பட்டுள்ளது.

அதேசமயம், காயம் காரணமாக இந்தத் தொடரிலிருந்து பும்ரா விலகியதால் அவருக்கு பதிலாக அஸ்வின் அணியில் தேர்ந்தெடுக்கப்பட்டுள்ளார். இறுதியாக, அஸ்வின், ரோஹித் ஷர்மா இருவரும் ஆஸ்திரேலியாவுக்கு எதிரான தொடரில்தான் விளையாடினர்.

மறுமுனையில், சஹா ஓராண்டுக்குப் பிறகு மீண்டும் இந்திய அணியில் விளையாடவுள்ளார். அவர் இறுதியாக 2018 தென் ஆப்பிரிக்காவுக்கு எதிரான தொடரில்தான் விளையாடினார் என்பது குறிப்பிடத்தக்கது. இவ்விரு அணிகளுக்கு இடையிலான முதல் டெஸ்ட் போட்டி விசாகப்பட்டினத்தில் நாளை காலை 9.30 மணிக்கு தொடங்குகிறது.

இந்திய அணி: கோலி (கேப்டன்), மயாங்க் அகர்வால், ரஹானே, புஜாரா, அனுமா விஹாரி, ரோஹித் ஷர்மா, சஹா, ஜடேஜா, அஸ்வின், முகமது ஷமி, இஷாந்த் ஷர்மா