டிஎன்பிஎல் டி20 தொடரின் 11ஆவது லீக் போட்டியில் லைகா கோவை கிங்ஸ் அணியும், ரூபி திருச்சி வாரியர்ஸ் அணியும் மோதி வருகின்றன. முதலில் டாஸ் வென்ற கோவை அணி பேட்டிங்கைத் தேர்வு செய்தது.
இதையடுத்து, அந்த அணியின் தொடக்க ஆட்டகாரர்களான கேப்டன் அபிநவ் முகுந்த் 5 ரன்களிலும், ஷாருக் கான் 11 ரன்களிலும் பெவிலியன் திரும்பினர். அதிரடியாக ஆடிய அந்தோணி தாஸ் 13 பந்துகளில் 32 ரன்களை சேர்த்தார். அதன்பின் களமிறங்கிய அகில் ஸ்ரீநாத் நிலைத்து ஆடி 22 பந்துகளில் 36 ரன்களை அடித்தார்.
இதன் மூலம் நிர்ணயிக்கபட்ட 20 ஓவர்களில் லைகா கோவை கிங்ஸ் அணி 6 விக்கெட் இழப்பிற்கு 161 ரன்கள் எடுத்தது. திருச்சி வாரியர்ஸ் அணி சார்பில் கண்ணன் விக்னேஷ் இரண்டு விக்கெட்டுகளை வீழ்த்தினார்.
அதன்பின், 162 ரன்கள் எடுத்தால் வெற்றி என்ற இலக்குடன் ரூபி திருச்சி வாரியர்ஸ் அணி பேட்டிங் செய்து வருகிறது.
