ஜன.17ஆம் தேதி தொடங்கிய யு-19 உலகக்கோப்பைத் தொடரின் இறுதிப் போட்டி இன்று நடக்கவுள்ளது. இதில் வலிமையான இந்திய அணியை எதிர்த்து வங்கதேச அணி ஆடவுள்ளது.
இந்தப் போட்டியில் முதல் முறையாக இறுதிப் போட்டிக்கு தகுதிபெற்றுள்ள வங்கதேச் அணியை வீழ்த்தி இந்திய அணி 5ஆவது முறையாக உலகக்கோப்பையைக் கைப்பற்றுமா என்ற எதிர்பார்ப்பு ஏற்பட்டுள்ளது.
இந்திய அணியைப் பொறுத்தவரையில் அதிக ரன்கள் குவித்து அபாரமான ஃபார்மில் இருக்கும் யஷஸ்வி ஜெய்ஷ்வால், திவ்யன்ஷ் சக்சேனா, திலக், கேப்டன் ப்ரியன் கார்க், துருவ், சித்தேஷ், அதர்வா என பேட்டிங் ஆர்டர் அசுர பலத்துடன் உள்ளது.
ஆனாலும் வங்கதேச பந்துவீச்சாளர்களை குறைத்து மதிப்பிடாமல் ஆடவேண்டும் என்று எதிர்பார்க்கப்படுகிறது. பந்துவீச்சிலும் கார்த்திக் தியாகியின் யார்க்கருக்கு பதிலளிக்க முடியாமல் அனைத்து வீரர்களும் திணறி வருகின்றனர்.
அவருக்கு உறுதியாக சுஷந்த் மிஸ்ரா, ஸ்பின்னர் ரவி பிஷ்னோய், ஆகாஷ் சிங் என திறமையான பந்துவீச்சாளர்களுடன் இருப்பதால் ஐந்தாவது முறையாக கோப்பையை வெல்லும் என எதிர்பார்க்கப்படுகிறது.
மறுமுனையில் இந்திய அணிக்கு சவாலளிக்கும் அணியாக வங்கதேசம் உருவெடுத்துள்ளது. நம் அணியில் ஜெய்ஷ்வால் என்றால் வங்கதேச அணியில் மஹ்மதுல் ஹசன் ஜாய், தன்சித் ஹ்சன், பர்விஸ் ஹோசன் என நல்ல பேட்டிங் ஆர்டரை வைத்துள்ளது.
இவர்களின் விக்கெட்டை வீழ்த்தவில்லை என்றால், இந்திய அணியின் நிலை பரிதாபம் தான்.
பந்துவீச்சைப் பொறுத்தவரையில் ரகிபுல், தன்சிம், ஹசன் முராட், இஸ்லாம் என அனைவரும் அபாரமாக ஃபார்மில் இருக்கின்றனர். அதிலும் ரகிபுல் ஐந்து போட்டிகளில் ஆடி 11 விக்கெட்டுகளை வீழ்த்தி மிரட்டிவருகிறார்.
இதனால் இரு அணிகளுக்கும் இடையிலான போட்டி ரசிகர்களிடையே பெரும் எதிர்பார்ப்பை ஏற்படுத்தியுள்ளது.
உலகக்கோப்பை இறுதிப் போட்டியில் இதுவரை ஆறு முறை பங்கேற்றுள்ள் இந்திய அணி முறை வெற்றிபெற்று கோப்பையை கைப்பற்றியுள்ளது குறிப்பிடத்தக்கது.
இதையும் படிங்க: இனியும் நாங்கள் கத்துக்குட்டிகள் இல்லை; மற்ற அணிகளை மிரட்டும் வங்கதேசம்
