இந்திய அணியின் நட்சத்திர தொடக்க வீரர் ஸ்ரீகாந்த். 1983ஆம் ஆண்டு இந்திய அணி உலகக்கோப்பை வென்றதற்கு முக்கியமான காரணமாக இருந்தவர். இவர் தனியார் தொலைக்காட்சி நிகழ்ச்சியில் சுனில் கவாஸ்கர் பற்றி பேசியுள்ளார்.
அதில், ''சுனில் கவாஸ்கர் எப்போதும் ஜாம்பவான் தான். அந்தக் காலத்தில் எல்லோரும் அதிரடியான ஆட்டத்தை ஆட மாட்டார்கள். நான் அதிரடியான ஆட்டம் ஆடியதால் என் மீது கவனம் ஏற்பட்டது. யாரும் அப்போது அதுபோன்ற ஆட்டத்தைப் பார்த்ததில்லை. நான் டெக்னிக் பற்றி கவலைப்படாதவன். ஆனால் மறுமுனையில் சுனில் கவாஸ்கர் டெக்னிக்கலாக சிறந்த வீரர்.
ஆனால் எங்கள் பார்ட்னர்ஷிப் எப்போதும் சிறப்பாக அமையும். அது எப்படி என்று தெரியவில்லை. எதிர் எதிர் துருவங்கள் தான் இணையும் என்பார்கள். கவாஸ்கர் வட துருவம் நான் தென் துருவம்'' என்றார்.
ஸ்ரீகாந்தின் ஆட்டத்திற்கு பிறகு தான் சர்வதேச கிரிக்கெட்டில் தொடக்க வீரர் அதிரடியாக ஆடவேண்டும் என்ற யுக்தியை அனைத்து அணிகளும் கையாளத் தொடங்கினர்.
