இதுவே முதல்முறை...! இரண்டு கேப்டன்கள் செய்த மோசமான சாதனை!

இந்தியா -வெஸ்ட் இண்டீஸ் அணிகளுக்கு இடையிலான இரண்டாவது ஒருநாள் போட்டியில் இரு அணி கேப்டன்களான கோலி, பொல்லார்ட் இருவரும் டக் அவுட்டாகி மோசமான சாதனையை படைத்துள்ளனர்.

வெஸ்ட் இண்டீஸ் அணிக்கு எதிராக விசாகப்பட்டினத்தில் இன்று நடைபெற்ற இரண்டாவது ஒருநாள் இந்திய அணி 107 ரன்கள் வித்தியாசத்தில் அபார வெற்றிபெற்றது. இதன் மூலம், மூன்று போட்டிகள் கொண்ட இந்தத் தொடரில் இரு அணிகளும் தலா ஒரு வெற்றியை பதிவு செய்துள்ளன.

இதனிடையே இன்று நடைபெற்ற இரண்டாவது போட்டியில் இரண்டு அணிகளின் கேப்டன்களும் முதல் பந்திலேயே டக் அவுட்டாகினர். முதலில் பேட்டிங் செய்த இந்திய அணியில் களமிறங்கிய கோலி, பொல்லார்ட் வீசிய ஸ்லோயர் பந்தில் ரோஸ்டான் சேஸிடம் கேட்ச் தந்து ஆட்டமிழந்தார். விசாகப்பட்டினத்தில் கடந்த ஐந்து போட்டிகளில் மூன்று சதம், இரண்டு அரைசதம் என 556 ரன்கள் குவித்திருந்த அவர் இம்முறை டக் அவுட்டானது அனைவருக்கும் அதிர்ச்சியளித்தது.

இதைத்தொடர்ந்து, வெஸ்ட் இண்டீஸ் அணியின் நிக்கோலஸ் பூரான் 75 ரன்களில் ஆட்டமிழந்த நிலையில், களமிறங்கிய கேப்டன் பொல்லார்ட் ஷமியின் பந்துவீச்சில் ரிஷப் பந்திடம் கேட்ச் தந்து வந்த வேகத்திலேயே பெவிலியன் திரும்பினார். இதன் மூலம், ஒருநாள் போட்டியில் இரண்டு அணிகளின் கேப்டன்களும் கோல்டன் டக் அதாவது முதல் பந்திலேயே டக் அவுட்டாவது இதுவே முதல்முறையாகும்.

• For the first time in ODI cricket both captains have been dismissed for a golden duck.#INDvWI pic.twitter.com/vHbjWr392L

  — ICC (@ICC) December 18, 2019 " class="align-text-top noRightClick twitterSection" data="

  For the first time in ODI cricket both captains have been dismissed for a golden duck.#INDvWI pic.twitter.com/vHbjWr392L

  — ICC (@ICC) December 18, 2019

  ">

  For the first time in ODI cricket both captains have been dismissed for a golden duck.#INDvWI pic.twitter.com/vHbjWr392L

  — ICC (@ICC) December 18, 2019

மாட்ரன் டே கிரிக்கெட்டின் ரன் மெஷின் என அழைக்கப்படும் கோலி, மறுமுனையில் அதிரடி பேட்ஸ்மேன் என கொண்டாடப்படும் பொல்லார்ட் இருவரும் இதுபோன்ற மோசமான சாதனையில் இடம்பெற்றிருப்பது ரசிகர்களை வியப்பில் ஆழ்த்தியுள்ளது.