இங்கிலாந்து அணியின் தென் ஆப்பிரிக்க சுற்றுப்பயணத்திற்குப் பின், இலங்கைக்குச் சுற்றுப்பயணம் மேற்கொண்டு இரண்டு டெஸ்ட் போட்டிகளில் ஆடவுள்ளது. இந்தத் தொடர் மார்ச் மாதம் 19ஆம் தேதி தொடங்கவுள்ள நிலையில், அதில் பங்கேற்கும் 16 பேர் கொண்ட இங்கிலாந்து வீரர்கள் அறிவிக்கப்பட்டுள்ளனர்.
அதில் பெயர்ஸ்டோவிவ், ஆண்டர்சன் ஆகியோருக்கு ஓய்வளிக்கப்பட்டு ஜென்னிங்ஸ், ஃபோக்ஸ் ஆகிய இருவரும் தேர்வு செய்யப்பட்டுள்ளனர். இதுவரை 17 டெஸ்ட் போட்டிகளில் ஆடியுள்ள ஜென்னிங்ஸ் ஒரு வருடத்திற்குப் பிறகு அணிக்கு மீண்டும் திரும்பியுள்ளார்.
ஆர்ச்சர், ரோரி பர்ன்ஸ் ஆகியோர் காயம் காரணமாக அணியில் சேர்க்கப்படவில்லை. வழக்கம்போல் மொயின் அலி தேர்வு செய்யப்படாததற்கு காரணங்கள் எதுவும் கொடுக்கப்படவில்லை.
இங்கிலாந்து அணி விவரம்: ஜோ ரூட் (கேப்டன்), டாமினில் பேஸ், ஸ்டூவர்ட் பிராட், ஜோஸ் பட்லர், ஜாக் கிராலே, சாம் கரண், ஜோ டென்லி, பென் ஃபோக்ஸ், கென்டன் ஜென்னிங்ஸ், ஜாக் லீச், பர்கின்சன், ஓலி போப், டாமினிக் சிப்லி, பென் ஸ்டோக்ஸ், கிறிஸ் வோக்ஸ், மார்க் வுட்.
இதையும் படிங்க: ராகுல் டிராவிட் வரிசையில் இடம்பிடித்த கே.எல். ராகுல்!
